نــســي الــفــوووطــة ....( منقول )

نسي الفــــــــــوطــــــــــه

وناس واقفه بتتريأ ومبسوطه

وناس تانيه بتستغرب ومنقوطه

ليه الدكتور نسي الفوطه



و هو يا عيني كان واقف ....... ووشه أحمر ولا القوطه



و قال ياجــــــــماعه سامحوني ....وقبل ما تيـــــــجوا تلوموني



تعالــــــوا أحكيلكوا أنا حكايتي..... وبعديها إبقوا حـــــــاكموني





سنــــين ضاعت في ثانــــــويه..... كفاح دامي وعــرق ودموع



وبعد المعركـــــــــه الحــــاميه..... قدرت أنجح وأجيب مجموع



أخيراً حلمنـــــــــــــــــا إتحقق .....هخش الطــــــــب وأدّكــــتر



رســـــــــــاله جميله ومعـــاها...... مقام عالي وفلوس أكـــــــتر



و جاتلي بطاقة الترشيـــــــــح...... فيها الطب اللي بحــــــلم بيه



بتاع البوسته جابهــــــــــــالي ......وخدله حلاوه عشــــرة جنيه



في أول يوم لـــــــــبست جديد ......وشلت البالطو رحـت لاقيت



زمايلي إتحــشروا في مــدرج...... عامل ولا عــــــلبة الكبريت



ولكــن برضه مايئستش



دخل دكتور قعد يشــــــــــرح .......كلام كــــان صعب ولاتيني



و أنا متنـــح ومـــش فــــــاهم ......لاقيت النــــــــوم غلب عيني



و لسّه أنا برضه مايئستش



و قلت مادام ضــــاع النظري...... هظبّــــــــط نفسي في العملي



جريت عـ المشـــرحه بسرعه...... لكن كالـــــــــعاده خاب أملي



دخلـــــت لاقـــيت 200واحد....... بيتخــــــــانقم على الجــــــثه



وناس واقـــــــــفه من الزحمه ......على كتافـي ومـــــــش حاسه



و لسّه أنا برضه مايئستش



و طبــــــعاً حسّوا بظــــروفنا .......وحطّولنا إمتـــــحان فوازيـز



وكل أمّا آجي أحــل ســـــؤال....... أقف أدّامــــــه زي الــــــزير



و لسّه أنا برضه مايئستش



وجينا في لجنة الشـــــــــفوي....... وكان أدّامي واد كــــــــــوسه



خد الـدرجـــــــات مـن الدكتور..... وخد فوقهـــــــم كــمان بوسه



دخلت انا قام مكـــــــــشرلي ....... ومن أولــــــــها عقــــــــدني



سألني سؤال... ماردّيتشي........... خبطني الزيرو وطــــــردني



و لسّه أنا برضه مايئستش



سنه بتمشــي وســــنه بتيجي ........مقـــالـــب بعـــدها مقــــــالب



زمايلي إتعينوا و قبـــــــضوا .......و أنا شايـــــل لـــــــقب طالب



و لسّه أنا برضه مايئستش



كبـــــــرنا شـــويه وقــــالولنا....... خلاص دلوقتي شوفوا حالات



و رحنـــــــا نشوف وكالعاده........ دا كله بيطلع إشتــــــــــغالات



و لسّه أنا برضه مايئستش



بشوف الشاب من ســــــــني........ واقـــــــــف ويّا البنات مرتاح



و لــــو عديـــــت أنا يقولــوا........ راح الدحّـــاح .....جه الدحّاح



و لسّه أنا برضه مايئستش



لحد ماخلصم السبــــــــــــعه ........وقلت خلاص هروق وهعيش



و قبل ما أفوق من الصــدمه........ خدوني عشان أخـــش الجيش



و لسّه أنا برضه مايئستش



وقعت هناك في إيــــد ظابط ........ظغرلي وقال يا بســـــــــكوته



أحب أبـــــــــــشرك إنــــــك ........معـــــــايا هتطـــــــفح الكوته



و لسّه أنا برضه مايئستش



خلااااص السبعه بقوا عشرة........ ولسه أنا ماشي جنــب الحيط



و بان السن علــــــــى وشي ........و شعري إبيـــّض و إصلعيت



و لسّه أنا برضه مايئستش



وبعد ما قـــــلت كــــــــفاره ........خلاص هرتاحلى بقى كام يوم



لاقيتهم تـــــــــانــي واخدنّي .......عشان تكليـــــــــفي في السلوم



و لسّه أنا برضه مايئستش



و قلت هنـــاك هآخد قرشين........ آكل منهم و أجيـــــــــب لبسي



فوجئـــــــت يا عيني بمرتب .......يادوب مايقضــــــنيش شيبسي



و لسّه أنا برضه مايئستش



و بعد الـــعمر دا كـــــــــــله .......رمــــــوني في وحـــده صحية



نسيت الطب أنا فيـــــــــــها ........وبقــــــــيت زي التمرجيه



و لسّه أنا برضه مايئستش



و آديني بعيش وهعمل أيـه؟؟........ ماليــــــــش ولا حول ولا قوة



وحيد غلبان وحتى مافـــيش ........جـــــواز علـــى نفــــقة الدوله



و لسّه أنا برضه مايئستش



قام الدكتور صعب عـالناس....... و فــــــضلم يـــبكوا على حاله



و حتى الفوطة نســــــــيوها........ ولمّوا فلــــــــــوس وسابوهاله



و قال دكتورنا عـ الفوطــــه........ تعــــــالوا هشـــــيلها أنا بكرة



لكن أهل المريض قالــــــوا........ خلاص........ سيبهالنا للذكرى

ههههههههه
هههههههههه
يا عيني قطعت قلبي والله بس حلوه الفوطه الذكري دي..ههههه
والله جااامده موووت يا دكتر..
تحيااااتي..

لسّه أنا برضه مايئستش

لا هو واضح انه مايئسش فعلا !!
بس انا يئست !!
على فكره الفوطه يا جماعه حاجه صغيره كده مش زى الفوط بتاعتنا

LoOoOnLy كتب:ههههههههه
هههههههههه
يا عيني قطعت قلبي والله بس حلوه الفوطه الذكري دي..ههههه
والله جااامده موووت يا دكتر..
تحيااااتي..

يللا اهي حاجة يضمن بيها الدكتور ان مريضه هيرجعله تاني ويبقى زبون عنده .

شكرا على الرد يا لونلي .

To Be Or NoT tO bE كتب:

ههههههههههههه

جميلة جدا يا دكتور

تقبل مروري

.
.
.
تحياتي

شكرا على المرور والرد يا رامي .

`°o.¸ابغى رضا ربى¸.o°´ كتب:

لسّه أنا برضه مايئستش

لا هو واضح انه مايئسش فعلا !!
بس انا يئست !!
على فكره الفوطه يا جماعه حاجه صغيره كده مش زى الفوط بتاعتنا

انا فعلا كنت متخيل الفوطة دي في حجم مفرش الطرابيزة مثلا أو على القل زي فوطة الأكل !


اليأس ده بقى انا بحسه لما باشوف بتوع الماجيستير والكلام الكبير ده في الكلية
تلاقوهم يا عيني شعرهم طويل ومبهدلين كده زي ما يكونو طالعين م السجن
والواحد يحس انهم جايين يمتحنو وسايبين مراتاتهم وعيالهم في البيت مع انهم لسه بيكونو نفسهم .



شكرا على الرد يا ابغي .

كلام جميييييييل اووووووى--ومضحك جداااااا
ربنا يخليك لينا دايما
يارافع اليأس عنا
عجبانى اووووووووى الجزء بتاع الجيش والسلوم====هههه ممتازة

sobhan allah كتب:كلام جميييييييل اووووووى--ومضحك جداااااا
ربنا يخليك لينا دايما
يارافع اليأس عنا
عجبانى اووووووووى الجزء بتاع الجيش والسلوم====هههه ممتازة

كلنا لها يا سبحان .

شرفني مرورك وردك .