الشـــرح التفصيـلى لكــل مـا يخــص الفـرقـــة الثــالثـــة طــب بنـهـــــــا
+2
dr_star
Inflammatory Reaction
6 مشترك
صفحة 1 من اصل 1
الشـــرح التفصيـلى لكــل مـا يخــص الفـرقـــة الثــالثـــة طــب بنـهـــــــا
من طرف Inflammatory Reaction 16/09/08, 12:51 pm
بسم الله الرحمن الرحيم
بإذن الله يا جماعه فى الموضوع ده
هناقش كل ما يخص الفرقه التالته فى طب بنها
عشان زمايلنا الجداد يستفادوا
وننقلهم خبرتنا فى السنين اللى فاتت
وبإذن الله هنضيف موضوع لكل فرقه على هذه الشاكله
ونبدء ب تالته .
أولا: فى شويا حجات كدا لازم تأخد بالك منها وانت فى الكليه بتاعتنا بخصوص سنه تالته:
1- سورس واحد بس فى المذاكره يعنى ما تكترش من مصادر المذاكره يعنى الباثولوجى مثلا هتلاقى حوالى 3 او 4 سورسات للمذاكره .... ما تذاكرش الا فى واحد بس لأن فى أول السنه هيخدك التفوق شويا وتذاكر فى اكتر من سورس وللأسف فى آخر السنه بتختصر وتذاكر للإمتحان من مصدر واحد بس ... يبقى كان لازمته ايه دا كله من الأول مش كنا وفرنا الوقت أحسن .
2-الإحساس بالإحباط واليأس وانت فى اول السنه هتلاقى مش فاهم نظام الباثولوجى ماشى ازاى ووصف المرض بيبقى ازاى وشرايح الباثولوجى كتير مش عارف ايه المطلوب منك تشوفه تحت الميكرسكوب والأدويه كتير ومش عارف تنطقها وهكذا ....
نصيحه من اخ أكبر اياك والاحباط فى بدايه السنه ... خد الأمور ببساطه وحاول تفهم على مهلك فى الباثولوجى وبالذات فى سكاشن الباثولوجى ( الجارات والشرايح ) ولو معرفتش ايه اللى بتشوفه تحت الميكرسكوب حاول مره تانيه واشترى أطلس للشرايح وظبط نفسك وشوف فى المعقول ( يعنى مش كل شويا تشوف شرايح وكل شويا طالع المتحف نازل عشان الجارات ..لأ خف تعوم ) .... وبالنسبه للأدويه ... حبه حبه هتنطق وهتبقى ميه ميه ...
3-المذكرات : ما أكثر المذكرات عندنا فى الكليه فى سنه تالته ولا مليون و900 الف مذكره وبالذات قرب الامتحانات وللأسف كل ده بيشوش عليك معلومتك ...حاول تصور الورق اللى يلزمك بس مش عمال على بطال نازل تصوير وخلاص ...
4-الدروس: أنا شايف والله أعلم ... ان الموضوع سهل جدا من غير دروس ولكن لو عاوز تاخد درس يبقى باثولوجى فقط وان ذودت يبقى معاه فارما .... ممنوع فى البارا والمايكرو وهنقول ليه بعدين ...
5-الكافتيريا وتجمعات الأنس فى الكليه : اياك والكافتيريا فى تالته فهى سبب ضياع أى حد فشل فى تالته ... ( ولكل قاعده شواذ طبعا ،، إنما هى تذكره )
ثانيا: المواد الدراسيه :
1-الباثولوجى: general, systemic
* نظرى : معاك كتاب د/ جمال ندا ( القاهره .. جزئين ) أو مذكرات د/رجائى ( مذكرات دروس د/رجائى ..3 مذكرات ) أو كتاب د/ هنداوى ( كل ده من مكتبه الكليه ماعدا د/ رجائى من مكتبه خارجيه ) + بعض مذكرات بتنزلها رئيسه القسم ( أنت ما تجيبش منها الا اللى يلزمك بس أو سيبك منها وريح دماغك )
لك الخيار فى أى واحد بس المعظم شغال ب مذكرات الدكتور رجائى وان كانت بها عيوب ( اختصارات كتير ) بس للأسف هيه دى المطلوبه فى اجابه الامتحانات ..
* عملى : جارات للأعضاء المصابه زى الكبد والرئه ولجهاز التناسلى للمرأه والمعده والقولون وهكذا .... والجارات دى فى المتحف اللى فى الدور السابع ... هتكره نفسك فى البدايه انك مش عارف تعلق ( comment ) على الجار ... عادى جدا مع الوقت هتبقى ميه الميه ( وده هيحصل مرتين ... مره قبل 20 فى الميه ومره اخر السنه بس ما تفتكرش انك هتبقى عبقرى يعنى ... )
+ علبه الشرايح ( ودى بتأجرها من الكليه لمده السنه بحوالى 360 جنيه وبتشترك فيها انت و 11 واحد معاك تقريبا وبترجعها آخر السنه اوعى تفتكر انك هتقفل عليها ) وبتأخدها مره كل 12 يوم كدا ... المهم هتلاقى نفسك مش عارف ايه اللى بيتشاف اصلا تحت الميكرسكوب ... والحل طبعا هتشترى أطلس شرايح وتجيب مذكره النظرى جنبك وانت بتذاكر شرايح العلبه وتحاول تفهم وبرده هتيجى فى الاخر هتبقى ميه ميه باذن الله ....
* الامتحانات : عندنا ميزه جميله جدا فى الكليه بخصوص الباثولوجى :
رئيسه القسم رغم انها nervous شويا ... الا انها متسامحه جدا قرب الامتحانات هتحدد كام درس فى كل شابتر اللى يتذاكروا بس ... وبتسئل فيهم ... و انت بتجيب تقدير عالى جدا فى الماده رغم كل الصعوبات السابقه ...
2-الفارما:
* نظرى : كتب القسم فقط كافيه ميه الميه + لو عندك وقت وامكانيات اشترى مذكرات د/محسن (2 مذكره ... 30 جنبه ...مكتبه الكليه ) والغرض منهم ... فهم اى حاجه كتب القسم مش موضحاهه ...
* عملى و MCQ : برده كتاب القسم الخاص بالعملى ... شويه حاجات بسيطه بتتذاكر فى الاخر وبتبقى ميه ميه .... على فكره متحضرش ولا سكشن فارما ... ووفر وقتك وروح ذاكر فى بيتكوا ...
*الامتحانات: من أحلى المواد عندنا فى الكليه وهتجيب إمتياز إن شاء الله
ازاى ؟؟؟؟
بص يا سيدى دى بقا اسمها ماده أسئله الامتحانات ..يعنى ايه ؟؟؟ ... يعنى رئيس القسم بتاع الفارما د/ سيد عبد اللطيف راجل فائق الوصف فى الاحترام ... ما بيسألش الا فى أسئله الامتحانات بالنص بس ( يعنى بتصفى معاك حوالى 3 أو اربع دروس اللى بيتذاكروا فى الشابتر ) طبعا انت بتذاكر عادى طول السنه ولكن فى الأخر بتظبط مذكره الامتحانات بس ...
3-البارا:
*نظرى : كتاب د/نبيل طه (القاهره ... مكتبه الكليه .. 20 جنيه ) + كتاب بسيط كدا (كوكتيل أسئله على الماده ) من ضمن كتب القسم ... أما باقى كتب القسم ارميها فى الزباله ...
*عملى: حاجه بسيطه جدا ... شويه ديدان وبيض على هيئه شرايح وعروض بروجيكتور ... طبعا انت هتروح معظم السكاشن وهتلاقى نفسك تعبان جدا مش عارف تفرق بين الديدان وبالذات لأنك مش متابع مع النظرى ( لأنها أقل ماده بتتذاكر) عادى ما تقلقش قرب امتحانات العملى همه اللى هيتحايلوا عليك عشان تحضر مراجعه ويحفظوك الشرايح وتبقى ميه الميه ...
*الامتحانات: بدون كلام كتير
البارا أقل ماده بتتذاكر ... وطريقه التفوق فيها ( كتاب د/ نبيل طه + الكتاب الصغير + شويا شرايط ع الكمبيوتر لو أمكن ) ...
4-المايكرو :
* نظرى : مذكرات د/جمال عامر وبس ويعنى ممكن تحتاج كتب القسم فى الحاجات اللى د/جمال مش مظبطها والكلام ده فى اخر السنه طبعا قرب الامتحانات ....
*عملى : شويا مزارع بكتريا على شويا علب ازاز على شويا أدوات تعبانه كدا ... بتظبطهم اخر السنه ع الماشى فى نص ساعه كدا ... متحضرش ولا سكشن مايكرو وريح دماغك ....
*الامتحانات : مذكره الامتحانات + مذكرات د/جمال عامر بس .
وأخير....الشرايط : ( اذا كنت من اللى هيسمعوها )
يبقى باثولوجى وفارما بس ولو انت واد وقتك كتير ومظبط نفسك اتسلى فى شرايط الباار ( د/موسى راجل متعه )
اه نسيت المحاضرات : كلها مالهاش لزمه فى سنه تالته ...كل شى على عاتقك ... كلنا حضرنا بتاع 10 محاضرات كدا وجبنا تقديرات عاليه ... ويا عم عاوز تحضر احضر محدش هيقول لك لأ بس أنا بقول أنت تيجى على السكشن تحضره وبعدين تمشى تذاكر فى بيتكوا أحسن .
يا رب ما كونش صدعتكوا ... وأى استفسار او تعديل على كلامى ... إتفضلوا
و السلام عليكم ورحمه الله :lol!:
بإذن الله يا جماعه فى الموضوع ده
هناقش كل ما يخص الفرقه التالته فى طب بنها
عشان زمايلنا الجداد يستفادوا
وننقلهم خبرتنا فى السنين اللى فاتت
وبإذن الله هنضيف موضوع لكل فرقه على هذه الشاكله
ونبدء ب تالته .
أولا: فى شويا حجات كدا لازم تأخد بالك منها وانت فى الكليه بتاعتنا بخصوص سنه تالته:
1- سورس واحد بس فى المذاكره يعنى ما تكترش من مصادر المذاكره يعنى الباثولوجى مثلا هتلاقى حوالى 3 او 4 سورسات للمذاكره .... ما تذاكرش الا فى واحد بس لأن فى أول السنه هيخدك التفوق شويا وتذاكر فى اكتر من سورس وللأسف فى آخر السنه بتختصر وتذاكر للإمتحان من مصدر واحد بس ... يبقى كان لازمته ايه دا كله من الأول مش كنا وفرنا الوقت أحسن .
2-الإحساس بالإحباط واليأس وانت فى اول السنه هتلاقى مش فاهم نظام الباثولوجى ماشى ازاى ووصف المرض بيبقى ازاى وشرايح الباثولوجى كتير مش عارف ايه المطلوب منك تشوفه تحت الميكرسكوب والأدويه كتير ومش عارف تنطقها وهكذا ....
نصيحه من اخ أكبر اياك والاحباط فى بدايه السنه ... خد الأمور ببساطه وحاول تفهم على مهلك فى الباثولوجى وبالذات فى سكاشن الباثولوجى ( الجارات والشرايح ) ولو معرفتش ايه اللى بتشوفه تحت الميكرسكوب حاول مره تانيه واشترى أطلس للشرايح وظبط نفسك وشوف فى المعقول ( يعنى مش كل شويا تشوف شرايح وكل شويا طالع المتحف نازل عشان الجارات ..لأ خف تعوم ) .... وبالنسبه للأدويه ... حبه حبه هتنطق وهتبقى ميه ميه ...
3-المذكرات : ما أكثر المذكرات عندنا فى الكليه فى سنه تالته ولا مليون و900 الف مذكره وبالذات قرب الامتحانات وللأسف كل ده بيشوش عليك معلومتك ...حاول تصور الورق اللى يلزمك بس مش عمال على بطال نازل تصوير وخلاص ...
4-الدروس: أنا شايف والله أعلم ... ان الموضوع سهل جدا من غير دروس ولكن لو عاوز تاخد درس يبقى باثولوجى فقط وان ذودت يبقى معاه فارما .... ممنوع فى البارا والمايكرو وهنقول ليه بعدين ...
5-الكافتيريا وتجمعات الأنس فى الكليه : اياك والكافتيريا فى تالته فهى سبب ضياع أى حد فشل فى تالته ... ( ولكل قاعده شواذ طبعا ،، إنما هى تذكره )
ثانيا: المواد الدراسيه :
1-الباثولوجى: general, systemic
* نظرى : معاك كتاب د/ جمال ندا ( القاهره .. جزئين ) أو مذكرات د/رجائى ( مذكرات دروس د/رجائى ..3 مذكرات ) أو كتاب د/ هنداوى ( كل ده من مكتبه الكليه ماعدا د/ رجائى من مكتبه خارجيه ) + بعض مذكرات بتنزلها رئيسه القسم ( أنت ما تجيبش منها الا اللى يلزمك بس أو سيبك منها وريح دماغك )
لك الخيار فى أى واحد بس المعظم شغال ب مذكرات الدكتور رجائى وان كانت بها عيوب ( اختصارات كتير ) بس للأسف هيه دى المطلوبه فى اجابه الامتحانات ..
* عملى : جارات للأعضاء المصابه زى الكبد والرئه ولجهاز التناسلى للمرأه والمعده والقولون وهكذا .... والجارات دى فى المتحف اللى فى الدور السابع ... هتكره نفسك فى البدايه انك مش عارف تعلق ( comment ) على الجار ... عادى جدا مع الوقت هتبقى ميه الميه ( وده هيحصل مرتين ... مره قبل 20 فى الميه ومره اخر السنه بس ما تفتكرش انك هتبقى عبقرى يعنى ... )
+ علبه الشرايح ( ودى بتأجرها من الكليه لمده السنه بحوالى 360 جنيه وبتشترك فيها انت و 11 واحد معاك تقريبا وبترجعها آخر السنه اوعى تفتكر انك هتقفل عليها ) وبتأخدها مره كل 12 يوم كدا ... المهم هتلاقى نفسك مش عارف ايه اللى بيتشاف اصلا تحت الميكرسكوب ... والحل طبعا هتشترى أطلس شرايح وتجيب مذكره النظرى جنبك وانت بتذاكر شرايح العلبه وتحاول تفهم وبرده هتيجى فى الاخر هتبقى ميه ميه باذن الله ....
* الامتحانات : عندنا ميزه جميله جدا فى الكليه بخصوص الباثولوجى :
رئيسه القسم رغم انها nervous شويا ... الا انها متسامحه جدا قرب الامتحانات هتحدد كام درس فى كل شابتر اللى يتذاكروا بس ... وبتسئل فيهم ... و انت بتجيب تقدير عالى جدا فى الماده رغم كل الصعوبات السابقه ...
2-الفارما:
* نظرى : كتب القسم فقط كافيه ميه الميه + لو عندك وقت وامكانيات اشترى مذكرات د/محسن (2 مذكره ... 30 جنبه ...مكتبه الكليه ) والغرض منهم ... فهم اى حاجه كتب القسم مش موضحاهه ...
* عملى و MCQ : برده كتاب القسم الخاص بالعملى ... شويه حاجات بسيطه بتتذاكر فى الاخر وبتبقى ميه ميه .... على فكره متحضرش ولا سكشن فارما ... ووفر وقتك وروح ذاكر فى بيتكوا ...
*الامتحانات: من أحلى المواد عندنا فى الكليه وهتجيب إمتياز إن شاء الله
ازاى ؟؟؟؟
بص يا سيدى دى بقا اسمها ماده أسئله الامتحانات ..يعنى ايه ؟؟؟ ... يعنى رئيس القسم بتاع الفارما د/ سيد عبد اللطيف راجل فائق الوصف فى الاحترام ... ما بيسألش الا فى أسئله الامتحانات بالنص بس ( يعنى بتصفى معاك حوالى 3 أو اربع دروس اللى بيتذاكروا فى الشابتر ) طبعا انت بتذاكر عادى طول السنه ولكن فى الأخر بتظبط مذكره الامتحانات بس ...
3-البارا:
*نظرى : كتاب د/نبيل طه (القاهره ... مكتبه الكليه .. 20 جنيه ) + كتاب بسيط كدا (كوكتيل أسئله على الماده ) من ضمن كتب القسم ... أما باقى كتب القسم ارميها فى الزباله ...
*عملى: حاجه بسيطه جدا ... شويه ديدان وبيض على هيئه شرايح وعروض بروجيكتور ... طبعا انت هتروح معظم السكاشن وهتلاقى نفسك تعبان جدا مش عارف تفرق بين الديدان وبالذات لأنك مش متابع مع النظرى ( لأنها أقل ماده بتتذاكر) عادى ما تقلقش قرب امتحانات العملى همه اللى هيتحايلوا عليك عشان تحضر مراجعه ويحفظوك الشرايح وتبقى ميه الميه ...
*الامتحانات: بدون كلام كتير
البارا أقل ماده بتتذاكر ... وطريقه التفوق فيها ( كتاب د/ نبيل طه + الكتاب الصغير + شويا شرايط ع الكمبيوتر لو أمكن ) ...
4-المايكرو :
* نظرى : مذكرات د/جمال عامر وبس ويعنى ممكن تحتاج كتب القسم فى الحاجات اللى د/جمال مش مظبطها والكلام ده فى اخر السنه طبعا قرب الامتحانات ....
*عملى : شويا مزارع بكتريا على شويا علب ازاز على شويا أدوات تعبانه كدا ... بتظبطهم اخر السنه ع الماشى فى نص ساعه كدا ... متحضرش ولا سكشن مايكرو وريح دماغك ....
*الامتحانات : مذكره الامتحانات + مذكرات د/جمال عامر بس .
وأخير....الشرايط : ( اذا كنت من اللى هيسمعوها )
يبقى باثولوجى وفارما بس ولو انت واد وقتك كتير ومظبط نفسك اتسلى فى شرايط الباار ( د/موسى راجل متعه )
اه نسيت المحاضرات : كلها مالهاش لزمه فى سنه تالته ...كل شى على عاتقك ... كلنا حضرنا بتاع 10 محاضرات كدا وجبنا تقديرات عاليه ... ويا عم عاوز تحضر احضر محدش هيقول لك لأ بس أنا بقول أنت تيجى على السكشن تحضره وبعدين تمشى تذاكر فى بيتكوا أحسن .
يا رب ما كونش صدعتكوا ... وأى استفسار او تعديل على كلامى ... إتفضلوا
و السلام عليكم ورحمه الله :lol!:
Inflammatory Reaction-
-
عدد الرسائل : 137
العمر : 33
العمل/الترفيه : يعني بيقولولي يا دكتور
المزاج : بين البينين شويه مبسوط وشويه حزين
تاريخ التسجيل : 31/08/2008
رد: الشـــرح التفصيـلى لكــل مـا يخــص الفـرقـــة الثــالثـــة طــب بنـهـــــــا
من طرف dr_star 15/05/09, 08:57 pm
ممكن جدول الامتحانات بتاع البارا والفارما والميكرو واحد زيميلى عاوز يعرف :doct:
dr_star-
-
عدد الرسائل : 32
العمر : 34
تاريخ التسجيل : 07/05/2009
رد: الشـــرح التفصيـلى لكــل مـا يخــص الفـرقـــة الثــالثـــة طــب بنـهـــــــا
من طرف DR4M 15/07/09, 09:30 am
سمعنا ان رئيس قسم الفارما هيتغير وان الرئيس الجديد راجل شديد جدا وهيظبطنا الكلام ده صح ولا ايه النظام؟ 
DR4M-
-
عدد الرسائل : 41
تاريخ التسجيل : 12/12/2008
رد: الشـــرح التفصيـلى لكــل مـا يخــص الفـرقـــة الثــالثـــة طــب بنـهـــــــا
من طرف Red dragon 15/07/09, 04:06 pm
شكرا كثرا لك على المعلومات الجميله دى جزاك الله خيرا
Red dragon-
-
عدد الرسائل : 4
العمر : 34
تاريخ التسجيل : 05/04/2009
رد: الشـــرح التفصيـلى لكــل مـا يخــص الفـرقـــة الثــالثـــة طــب بنـهـــــــا
من طرف المحب لله 02/09/10, 10:07 am
طب ليه منحضرش فى المادتين الى قلتهم دول
وشكرا
وشكرا
المحب لله-
-
عدد الرسائل : 33
العمر : 39
تاريخ التسجيل : 08/01/2010
رد: الشـــرح التفصيـلى لكــل مـا يخــص الفـرقـــة الثــالثـــة طــب بنـهـــــــا
من طرف smart doc 19/09/10, 11:30 am
جزاكم اللــــــــــــــــــــــــــه خيرا[u]
smart doc-
-
عدد الرسائل : 1094
العمر : 32
كيف تعرفت علينا ؟ : Friends
تاريخ التسجيل : 11/04/2009
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى