ما حدش يعرف نتيجة سنة ستة هتبان امتى؟؟؟

من طرف تسبيح 05/02/09, 01:25 am

تذكير بمساهمة فاتح الموضوع :

بسم الله الرحمن الرحيم
يا جماعة اللى يعرف اى اخبار عاى نتيجة سنه ستة يقول على طول يا جماعة
الواحد بقاله شهر ما شفش الكلية ولا يعرف عنها حاجة
بليييييييييييييييييز اللى يعرف حاجة يقولى

من طرف dr.Broken Heart 20/02/09, 11:10 pm

أمين يارب

من طرف تسبيح 21/02/09, 07:48 am

dr.BrHeart كتب:[oken b]الله الله الله[/b]
هى النتيجة بانت ولا ايه ؟؟
ألف ألف ألف ميون مبروك يا دكتورة تسبيح
ياريت يكون خير أوى ان شاء الله
دعوتى تُستجاب إن شاء الله
ربنا يكرمك يا دكتورة
و الف مبروك
بس ياريت تقوليلى هى ظهرت إمتى ؟؟
شكرا"
ألف مبروك يا دكتورة تسبيح

شكرا ليك الاخ العزيز dr . broken heart
ايوة الحمد لله النتيجة بانت يوم الخميس بليل
والحمد لله حبت امتياز
وعقبالك ان شاء الله

من طرف تسبيح 21/02/09, 07:49 am

شكرا مسلمة على الكلام الحلو دا
وربنا يبارك فيكى

من طرف `°o.¸ابغى رضا ربى¸.o°´ 21/02/09, 07:58 am

نتفق على حاجه يادكتوره
عشان انا استغلاليه
مش احنا اتفقنا على التخصص
عايزه حضرتك تجربى كده الرمد وتشوفى اخباره وتنقلى لى خبرتك
والف مبروك مره تانيه

من طرف تسبيح 21/02/09, 10:40 am

ابغى رضا ربى كتب:نتفق على حاجه يادكتوره
عشان انا استغلاليه
مش احنا اتفقنا على التخصص
عايزه حضرتك تجربى كده الرمد وتشوفى اخباره وتنقلى لى خبرتك
والف مبروك مره تانيه

يا سلام انتى تأمرى بس يا قمر
بس على فكرة على الرغم انى بحب الرمد اوى وتقريبا اكتر تقدير جبته كان فيه كان حوالى 93 %
الا من الواضح انى مش هأتخصصه
قوليلى ليه
اقولك
عشان صعب من ناحيتيين
اول حاجة لو ليكى ترتيب وليكى نصيب تشتغلى فى الجامعة فبرده فرصة الرمد برده بتكون صعبه
لانها بتكون قاصرة تقريبا للاول والتانى أو اللى بعدهم لو هم مش عاوزين
وكمان بيبقى فى فرست ودا بيتسبت اما السكند يقعد نيابته وبعد كدا مع السلامة او بقى للى ليه واسطة وكوسة بقى
تانى حاجة لو عاوزة تفتحى عيادة رمد دى فى حد ذاتها مكلفة جدا جدا لان الاجهزة غالية اوى ومفيش عيادة رمد من غير الاجهزة دى على الاقل جهازين او ثلاثه
غير كدا فالتخصص نفسه جميل جدا جدا جدا جدا
ودراسته ممتعة فوق ما تتصورى
وعملياته جميلة
من لاخر تخصص جميل وشيك
وربنا يوفقنا يارب
بس على العموم فى الامتياز هاكون اقرب لارض الواقع واى حاجة هاعرفها عنه اكيد ان شاء الله هأقولهالك
اه صحيح ما تقوليش على نفسك استغلالية احنا اخوات
واتعلمى حاجة فى الكلية دى ما تخطيش خطوة الا لما تسألى حد اكبر منك ومش واحد بس
عشان بجد الخبرة بتفرق
انا عن نفسى مغلبة صحابى اللى اكبر منى بس بأستفيد جدا منهم
وربنا يوفقك يارب

من طرف `°o.¸ابغى رضا ربى¸.o°´ 21/02/09, 10:46 am

ربنا يكرمك يارب
بس انا اتفقت مع بابا خلاص ع الرمد
كل شويه هخترع له تخصص واغلبه
انا قلت له قبل كده جراحه قال لى لالالالالالالالالا
قلت له خلاص خليها رمد منه جراحه ومنه شغل عادى
اصل العين دى معجزه لوحدهاااا
سبحان الخالق العظيم
يللا ربنا يسهل
وجزاكى الله خيرا ياحبيبتى

من طرف `°o.¸ابغى رضا ربى¸.o°´ 21/02/09, 10:52 am

بس انا مش فهمت ايه فيرسن بيتثبت وسكند .....؟؟؟؟؟؟؟؟؟؟؟

من طرف تسبيح 21/02/09, 12:18 pm

بصى يا ستى القسم غالبا بياخد اتنين بس
واحد بيتسبت ويكمل فى الجامعة ودا ال first
والتانى غالبا بيقضى 3 سنين بتوع النيابة وبعدين يسيب الجامعة الا اذا كان عنده واسطة
ودا على حد علمى من سؤالى كذا حد اكبر منى
وعلى العموم ما تشغليش نفسك بالحاجات دى لسه بدرى اوى عليها
الواحد بيختار التخصص بعد الامتياز وبعد التكليف كمان
والواحد بيقضى سنة كاملة فى الامتياز كافية جدا توضحلك الامور
وتعرفى ميولك رايحة ناحية فين
وفى حاجات تانية بتتدخل فى اختيارك لتخصصك زى ترتيبك وتقديرك والناس اللى فى القسم اللى انتى عاوزاها متعاونين ولا هيقرفوكى وحاجات من هذا القبيل
انا اعرف ناس كتير اتخصصوا فى حاجات عمرها ما جت فى بالهم انهم يتخصصوها
انا عن نفسى لحد دلوقتى مش راسية على بر فىالتخصص دا

من طرف `°o.¸ابغى رضا ربى¸.o°´ 21/02/09, 12:33 pm

اااااااااااااااه كده فهمت
جزاكى الله خيرا ياد/تسبيح
انا بس كنت بناقش حضرتك فى الموضوع عشان افهم
لكن التخصص ده سايباه لربنا ان شاء الله ومتاكده انه هيكون خير
وعلى رايك لسه بدرى جداااااااا

من طرف تسبيح 21/02/09, 01:09 pm

ربنا يوفقك يا رب لما يحبه ويرضاه

من طرف **Optimistic Doctor** 21/02/09, 03:51 pm

ربنا يوقفنا ان شاء الله
لما يحبه ويرضاه

بس ياريت حضرتك تعرفيني هي في تخصصات بتاخد من تقديرات معينه

اصلي سمعت ان النسا بياخد اعلى
وبعده اطفال

هم بيصنفوا التخصصات على اي اساس؟؟؟

اصل في تخصص في دماغي ومش عارف ايه نظامه

ياريت لو عند حضرتك اجابه تفيدينا بيها

شكرا ليكي

والف مبروك مره تانيه

من طرف تسبيح 21/02/09, 04:19 pm

هو انا على حسب معلوماتى
الرمد هو اعلى قسم
ويأتى بعده النسا والاطفال والجلدية والقلب ( بدون ترتيب ) ما عرفش مين اعلى من مين
هى دى اللى بتاخد اوائل الاوائل
والباقى بقى زى باطنات وجراحات لباقى عامة الشعب
ولا تنسى الكوسة فان لها مفعول السحر فى الحاجات دى
انا اعرف واحدة كانت فى ديل الدفعه وبسم الله ما شاء الله دلوقتى هى نايبة اطفال فى الجامعه
وبرده الاختيار بيبقى متساب للاوائل وبعد ما هم يختاروا اللى بعدهم يختار من اللى فضل
والله الموفق

من طرف **Optimistic Doctor** 21/02/09, 05:26 pm

شكرا ليكي يا دكتورة تسبيح

ويارب ينجينا من الكوسه وبلاويها

وربنا يوفقك ان شاء الله

happy

:d:

ما حدش يعرف نتيجة سنة ستة هتبان امتى؟؟؟

ما حدش يعرف نتيجة سنة ستة هتبان امتى؟؟؟

رد: ما حدش يعرف نتيجة سنة ستة هتبان امتى؟؟؟

رد: ما حدش يعرف نتيجة سنة ستة هتبان امتى؟؟؟

رد: ما حدش يعرف نتيجة سنة ستة هتبان امتى؟؟؟

رد: ما حدش يعرف نتيجة سنة ستة هتبان امتى؟؟؟

رد: ما حدش يعرف نتيجة سنة ستة هتبان امتى؟؟؟

رد: ما حدش يعرف نتيجة سنة ستة هتبان امتى؟؟؟

رد: ما حدش يعرف نتيجة سنة ستة هتبان امتى؟؟؟

رد: ما حدش يعرف نتيجة سنة ستة هتبان امتى؟؟؟

رد: ما حدش يعرف نتيجة سنة ستة هتبان امتى؟؟؟

رد: ما حدش يعرف نتيجة سنة ستة هتبان امتى؟؟؟

رد: ما حدش يعرف نتيجة سنة ستة هتبان امتى؟؟؟

رد: ما حدش يعرف نتيجة سنة ستة هتبان امتى؟؟؟

رد: ما حدش يعرف نتيجة سنة ستة هتبان امتى؟؟؟