نرجو المساعدة

السلام عليكم ورحمة الله وبركاتة

بصراحة ومن غير مقدمات المنتدى من برة شكلة حلو وسجلت فية عن طريق الشكل وليس المضمون ولكن لما دخلت لقيتة نايم خالص مواضيع من السنة اللى فاتت وروابط بايظة .. بس انا متأكد ان شاء الله انكم هتستجيبوا لكلامى لانى انا فعلا محتاج لمساعدتكم
انا طب كفرالشيخ ( لسة فاتحة السنة دى ) وطبعا احنا اول دفعة يعنى مفيش خبرات سابقة ولا حد يدلنا على اى حاجة وكل اللى على الدكاترة المنتدبين للكلية انهم بيدخلوا يشرحوا ومع السلامة وطبعا احنا مش فاهمين اى حاجة لانهم مش عارفين ينزلوا لمستوى طالب لسة فى سنة اولى
وبصراحة انا مش عايز اضيع وقتى فى كورسات والواضح ان اعضاء المنتدى عندهم داتا كبيرة جدا تقدر تفيدنى فاتمنى لو ترفعوا الداتا دى تانى فى كل المواد ( اناتومى وفسيولوجى و بايو وهستولوجى ) وتكون كورسات فيها صور ومشروحة كويس ووافية وتركزوا على الاتى

1 - يكون فية قاموس طبى متكامل اى كلمة عايزها الاقيها وبمعنى مفهوم ( يارب تلاقوة )
2- يكون كورس الاناتومى اللى هتنزلوة يكون فية جزء ال general anatomy المختص بال movments و ال anatomical position و ال bone والى اخرة يعنى
3- واهم حاجة بقى عايز كورس بايو محصلش يكون شامل بمعنى الكلمة ومش هوصيكم على الهستولوجى
4- المراجع والاطلس اللى هيفيدونى


طبعا طلبات كتيرة وصعبة بس انا متأكد انكم هتقدمولى الخدمة دى بأذن الله وياريت يكون كلة فى موضوع واحد يعنى مكتبة شاملة وان شاء الله هيستفيد منها الكل .. اتمنى ان الحاجات تنزل قبل العيد ( كل عام وانتم بألف خير )

بإذن الله هنحاول نساعد حضرتك على اد ما نقدر

احنا بنعتذر عن عدم المتابعة بس والله داخلين على امتحانات واغلب الناس مشغولة

ربنا معاكم ويوفقكم ان شاء الله  

شكرا جدا يا دكتور .. وربنا يكرمك وانا منتظر اى شيئ جديد