نصائح لسنه رابعه طب بنها

بسم الله الرحمن الرحيم

مبروك النجاح فى سنه تالته واهلا بيكم فى سنه رابعه
انا هتكلم باختصار ومش هحيركم ان شاء الله


هبدأ بماده الرمد
من البدايه هتاخد كورس وعايز تفهم كويس خد كورس عند دكتور حسين سويلم هوا من ع شمس ومشهور جداااااا هناك
ورقه بسيط جدااا وده هيبقى مصدر المذاكره
فى دكاتره تانيه بتدى كورسات بس انا برشح د سويلم
طيب لو مش هتاخد كورس : تسمع مين ؟ وتذاكر منين؟
لو عندك وقت وبتذاكر من اول السنه اسمع وذاكر من دكتور عبدالحليم
بتجيب من الاخر وعايز الخلاصه يبقى دكتور وائل او ياسر وتذاكر من اى واحد الاتنين شبه بعض جداااا
نصيحه مهمه اى محاضره او راوند لدكتور مجدى لو تعرف تصورها فيديو صورها
اى كلمه فى محاضراته مهمه جداا
هوا بيدخل الراوند كل يوم حد
امتحانات الرمد بتبقى صعبه وال written فى اخر السنه بيبقى سهل جدا
فى اسئله ام سى كيو فى امتحانات السنين اللى فاتت بتتكرر بالنص
انا ذاكرت من دكتور وائل


ENT

اسهل ماده بس ياريت تقروها كلها وخصوصا
larynx & pharynx
قبل امتحان اخر السنه
الراوند مهمل جداا والدكاتره يا اما بيتأخروا او بيعتزوا وفى ناس محترمه جدااا جدااا
اخر محاضره فى الراوند هيا اهم محاضره

تذاكر منين : فى ورق كورس شوفته مع زمايلى دا اللى مش هيعجبه الكتاب
فى مصدر تالت ورق من ع شمس تقريبا انا الوحيد اللى كنت بذاكر منه لو الدنيا ظلمت فى وش حد الورق لسه معايا واضمنله انه يجيب امتياز مرتفع الورق مختصر جداا
انا كنت بسمع دكتور اسمه عمرو جوده من ع شمس وبذاكر من ورقه
الام سى كيو اللى اخر الشباتر بتتنقل بالنص فى الامتحانات
الماده دى ماده االامتياز بالنسبه للى كان بيجيب جيد السنين الل فاتت


ماده الكميونتى

اطول ماده
اسمع دكتور شريف اوعى تسمع اى حد تانى زى ما انا عملت
انا سمعت شرايط جامعه القاهره وفى الاخر الدنيا ظلمت وسمعت دكتور شريف حسيت بفرق كبييير جدااا
الكورسات : دكتور حمدى وتذاكر من ورقه هوا تقريبا نفس الكتاب
ارتحت للكتاب يبقى كويس
مش هتاخد كورس زاكر من ورق الكورس او الكتاب
النص الاول للكتاب انا معايا ورق دكتور كريم ... كامل هوا ناقص فى الكليه هسيبه اول السنه وهبلغكم
اما النص التانى من الكتاب انا زاكرت من الكتاب
الامتحان بيبقى سهل جداا بس عايز كتابه صعوبه الماده فى انها طويله حاولوا تقروها باستمرار



الشرعى
ماده ممتعه
عايز تفهمها اسمع دكتوره شيرين القصر العينى ورقها معايا كامل
الاختلافات بسيطه بس هتبقى فاهم الماده جداا وخصوصا انها بتسكم المنهج سواء شرعى او سموم ورقها على النت بصوا عليه
طيب لو عايز ورق تانى يبقى كتاب الكليه وتسمع دكتور عبدالمنعم
فيه كوسات
وفى ورق لامم السموم فى جداول مش معايا للاسف شفوته فى اخر السنه
الامتحان بيبقى سهل جدااا وسهل تجيب تقدير عالى فى الماده خصوصا ان دكتوره مارسيل بتغلى جزء كبير من السموم فى اخر السنه
يعنى الامتياز مضمون جدااا


من الاخر انا سمعت كلام قبل ما ادخل رابعه كتير وربنا يعلم انا قولت من الاخر ويارب ما يكون حد احتار
انا بتابع كل يوم المتندى اى اسئله هتلاقوا الاجابه فوراا
ربنا معاكم