نظرية ندا مصطفى الجديدة

السلام عليكم ورحمة الله وبركاته
دى بقى نظريتى الجديدة واللى خطرت ببالى وعملتلها برهان اتنمنى تعجبكم
واللى فيها بثبت بالبرهان اثباتا علميا ان الاعمى = البصير
الاجابة فى كلمة واحدة " الأعور" بس أظن اللى عايزة اقوله وصل ( كل اللى بياخد عند موافى هيفهممنى ) واللى هيثبت عكس اللى انا توصلت اليه واثبته فى نظرياتى وابحاثى هديله جايزة ومش ندا مصطفى اللى ترجع فى كلامها
المهم اسمحولى اعرض لحضراتكم نتاج التفكير والابداع
المطلوب : اثبات ان الاعمى = البصير
العمل : نحضر بنى ادم اعور
البرهان : بما ان الاعور له عين واحدة تبصر
اذن الاعور = 1/2 اعمى ................1
بما ان الاعور له عين واحدة لا تبصر
اذن الاعور = 1/2 بصير..................2
من 1 & 2 ينتج ان:
الايمن = الايمن
اذم الايسر = الايسر
اذن 1/2 اعمى = 1/2 بصير
و بضرب طرفى المعادلة X 2
اذن الاعمى = البصير
وهو المطلوب اثباته
ايه رايكو بقى فى اللى توصلت اليه العبقرية الفذة؟؟

N!CE

عسل ياندا عامله زي نظريه
هتزاكر = مش هتسقط
مش هتذاكر = هتسقط
وبالجمع
هتزاكر + مش هتزاكر =مش هتسقط + هتسقط
هتذاكر (1+مش )=هتسقط (مش +1)
ولما تقسمي علي (مش +1)
هيطلعلك
هتزاكر = هتسقط
بس بجد افتكاسات مع بعض جمل د-موافي
حاجه مفيش بعد كده اظن

ههههههههههههههه حلوة اوى يا مروة والله مية مية
تسلمى