بعيونك شوف النجاح....... .وانت مرتاح

من طرف **Optimistic Doctor** 27/05/11, 11:20 pm

السلام عليكم ورحمة الله

بعيونك شوف النجاح....... .وانت مرتاح Www_1a10

دخلت أيام
الامتحانات وبدأت معها أعراض متلازمة الامتحانات الأزلية المستعصية..حضور
محاضرات..مذاكرة بانتظام..رايح تصور ورق وراجع تصور ورق....لا للنوم..لا
للانترنت..لا للفضائيات.. الصلاة في البيت جنب المكتب..هالات سوداء حول
العين..زيادة في الوزن..تناقص حاد في اللب والسوداني والشاي والقهوة من
السوق..مقاطعة لمعظم الأصدقاء..

هذا ما يطلق عليه باختصار الغباء الدراسي حيث سيؤدي في النهاية لكل شئ غير النجاح..

الكل عاوز يكون
دمااااااااااااغ ... خروج كل خميس متابعة فضائيات ومتابعة عيون الطلبة
وتصاحب طوب الأرض وتصلي في الجامع وتعمل أعمال خير... وطبعا
تنجح...ازااااااااي؟!!!

مع الملتقى والحملة القومية للتطعيم ضد الفشل مع حملة

بعيونك شوف النجاح..وانت مرتاااااح !!

تابعونا ويا ريت اللي عنده مادة يفيدنا...

الموضوع فقرات منقولة متجددة
ان شاء الله نستفيد منها

من طرف **Optimistic Doctor** 27/05/11, 11:25 pm

خارطة التهييس لأيام التدبيس

طبعاً كلنا
عارفين إن فترة الامتحانات كلها تدبيس..تدبيس ورق علشان المذاكرة وتدبيس
ورق علشان البرشام وتدبيس في الكرسي بتاع المكتب وتدبيس الكر تونة
عالكمبيوتر والتليفزيون...المهم..احنا دلوقتي هنقدملك الحل في مواجهة
التدبيس على طريقة سيمبا في الأسد الملك : " انا بضحك في وش المخاطر " أو
الحكمة الجهنمية " هاكونا ماتاتا "...باختصار متسمحش للامتحانات بتدبيسك
لأن فترة الامتحانات بتبقى محتاجة صفاء ذهني بس للأسف التدبيس ده بيخليك
عندك اكتئاب وزعلان من مفيش حاجة وزهقان من قبل ما تمسك كتاب ولو لا قدر
الله وصلت للحالة دي لازم تتبع خريطة التهييس القادمة وممكن برضه بيها تحمي
نفسك انك توصل لكدة أصلا وطبعا الكلام ده على فترات مش علطوول علشان
متقولش إني عايز أضيع مستقبلك وانجح أنا !!!!

*****

أول حاجة ممكن
تعملها انك تنزل الصلوات كلها في الجامع ومتصليش في البيت ويا حبذا - (
حلوة يا حبذا دي...صح؟!! ) – لو كان جنبكم جامع مكيف يبقى ميت فل وعشرة...

*****

ممكن تمسك كتاب
مسلي لو أنت من النوع المعقد اللي بيتسلى بالقراءة..والدكتور ابرهيم الفقي
بيقوللك إن قراءة حرة لمدة تلت ساعة يوميا بتفرق معاك في المزاج..

*****

سواء كنت معقد او مش معقد مش هتلاقي أحسن من صفحة في المصحف تعدل مزاجك..

*****

ممكن برضه تعمل
بقاعدة البدن السليم في العقل السليم وتسمع كلام الدكاترة وأمرك لله وتنزل
في التراوة تتمشى شوية وممكن تتمشى لوحدك أو مع حد من حبايبك وتقزقز حبة لب
وفول سوداني على حسابه لأن الدكاترة بيقولوا إن المشي بيحرك كل عضلات
الجسم فبيساعد على النشاط والتخلص من الاكتئاب..بس متمشيش كتير بحيث تتعب
ومتقدرش تكمل مذاكرة...

*****

ممكن برضه تقوم تقعد نص ساعة وللا حاجة ع النت تشوف موقعين تلاتة حلوين

*****

ممكن تقضيها شات
ع الماسنجر مع حد من اصحابك...اصحابك مش حد تاني!!!...وطبعا لو واحد جاب
سيرة المذاكرة او الامتحانات اعمله بلوك علطول..

*****

ممكن تطفي
النور وتقفل عليك الباب – متفهمنيش غلط – وتقعد تدندن مع نفسك ذكر
وتسبيح.....بس متقعدش ساكت لأنك مجرد ما تعطل الحواس كلها الامتحانات هتكبس
على نفسك وتقعد تفكر فيها غصب عنك..

*****

ممكن تنظم وقتك
بحيث تقوم تتفرج على ماتش أو فيلم حلو بس خد بالك أنت محتاج ربنا يوفقك في
الفترة دي جامد علشان كدة حاسب ع اللي بتشوفه سواء في التليفزيون أو ع النت
لأن ممكن المعصية هي اللي تعكر مزاجك..

*****

كدة الخريطة خلصت..واختار بقى الطريق اللي يناسبك علشان...

بعيونك تشوف النجاح.... وأنت مرتااااح !!!

من طرف **Optimistic Doctor** 27/05/11, 11:38 pm

الامتحانات قربت وكل سنة وإنتم طيبين يا شباب..
بالمناسبة دي هاكلمكم النهاردة عن الذاكرة.
لو عايز تحسن ذاكرتك فيه شوية حاجات قالتها مجلة (Good Living-issue 11) ممكن تساعدك:

الأكل:

لازم تهتم بالأكلات اللي ممكن تحسن أداء الذاكرة.. مثل:
التمر- اللوز- الحليب- التفاح– العنب الغامق- وكل مشروبات الصويا..

وكمان العسل وشاي الجنزبيل وعصير الجزر محفزات رائعة للذاكرة...
وتجنب الكحول طبعا لأنه بيضيع الذاكرة!!

النوم:

فيه
بعض الأبحاث بتقول إن النوم هو مرحلة بيقوم فيها العقل بتثبيت المعلومات
اللي خدناها طول اليوم.. يعني يفضل سيادتك تنام بعد المذاكرة شوية بدل ما
تفضل سهران الليل بطوله وإنت مش مركز وقاعد تذاكر برضه!
الراحة
مهمة ولازم تذاكر وإنت مركز, وتنال قسطا مناسبا من النوم.. بس إياك يبقى
النوم هي وسيلتك المفضلة للهرب من المذاكرة... أنا باقول نام لك شوية بعد
ما تذاكر مذاكرة كتيرة..:mozakra

الألحان :

لو فيه معلومة معصلجة مع سيادتك ومش عارف تحفظها, غنيها!

أيوه.. لو حاولت تفتكر كلمات أغنية.. مش هتعرف تفتكرها إلا لو افتكرت اللحن, ساعتها هيبقى سهل تفتكر الكلام..

الألحان بتخلي الحفظ أسهل.. مش ملاحظ إن بتوع الإعلانات بيحطوا اسم المنتج في أغنية؟
عرفت ليه؟
عشان الناس تحفظها!!

مثال: إعلانات أرقام الإنترنت.. أكمل الأغنية: 0777(وبعدين؟)

الإيمان بالنفس:
gara7
سبب رئيسي بيخلينا مش عارفين نحفظ, وهو اعتقادنا الداخلي إن ذاكرتنا ضعيفة!
لو آمنت إن ذاكرتك قوية وقلت كده لنفسك, هتترسخ جواك الفكرة دي.

بلاش لخبطة:
:stop:
أي عمل غير منتهٍ في حياتك, ممكن يخلي بالك مشغول..
فضي نفسك للمذاكرة وبلاش تخلي بالك مشغول في 5638 حاجة!

الضحك:

الحاجات المضحكة عمرها ما بتتنسي..

لو فيه معلومة معصلجة معاك حطها في نكتة أو بص لها كأن دمها خفيف..

اخترع النكت واسخر من المنهج اللي بتحفظة هتلاقي نفسك بتحبه وعارف تذاكره..

مثال:
كنا
بندرس عن عالم كبير اسمه "مالبيجي" وكان اسمه رخم ومش عارف أحفظه.. أول ما
تخيلت إنه اسمه "مليجي" بس خواجة.. لقيت العملية سهلة الحفظ!

انتبه:
c
حط دماغك في الموضوع.. قرر إنك هتحفظ المنهج بنسبة 100% مهما كلفك الأمر, وذاكر بهذه العقلية وأنت مصمم إن: يا أنا يا الامتحان بقى!

خليك إيجابي:
:good
حط خطوط تحت الكلام المهم, لخص النقاط المهمة, سمع لنفسك,..... اعمل حاجات ملموسة تحس منها إنك ماشي في الطريق الصحيح ومش سلبي.

ركز في التفاصيل:

اعتبر
كل معلومة صغيرة مهمة.. واعتبر إنك هتحكي كل التفاصيل دي لواحد صاحبك بكرة
وإنتم خارجين مع بعض.. اعتبر إن فيه ناس أصحابك عايزين يعرفوا التفاصيل دي
وانك هتحكيها ليهم بكرة..

وخلي بالك..
ادي نفسك فرصة إنك تنسى شوية.. كل ما تذاكر كتير, هتنسى حاجات مش مؤثرة قوي..

لكن لو مذاكر قليل, لو نسيت معلومة واحدة هتروح في أبو نكلة!

اتكلم بصوت عالي:
:busy
بكده
حواس كتير هتشتغل على المعلومة دي.. اشرح المعلومة دي لحد, أو اكتبها
واقرأها تاني.. ماتبقاش بس مستقبل سلبي للمعلومة, طلعها من جواك برضه عشان
ترسخ المعلومة أكتر.

المراجعة:
بعد كل ده.. راجع يا باشا!
وابقى قابلني لو سؤال وقف قدام سيادتك.
إن شاء الله يعني

من طرف dr.simsim 28/05/11, 12:02 am

وف الآخر ابقى قابلنى لو فلحت

من طرف المهاجرة إلى الله 28/05/11, 02:05 am

[موضوع رررررررررررائع جزاكم الله خيرا ربنا يعدى فترة الامتحانات دى على خير يا رب]

من طرف **Optimistic Doctor** 28/05/11, 09:52 am

dr.simsim كتب:وف الآخر ابقى قابلنى لو فلحت

بعيونك شوف النجاح....... .وانت مرتاح 581109

المهاجرة إلى الله كتب:[موضوع رررررررررررائع جزاكم الله خيرا ربنا يعدى فترة الامتحانات دى على خير يا رب]

جزانا الله واياكم يادكتورة

شكراً جزيلا على المرور

ويارب يوفق الجميع ان شاء الله

من طرف **Optimistic Doctor** 28/05/11, 09:52 am

أنا مش قصير وأوزعة..أنا طويل وأهبل!

كثير من الطلبة الفاشلين يردد بعض العبارات التي يستخدمونها كشماعة يعلقون عليها فشلهم ، فتجده يردد مثلاً:

أعمل إيه يعني ما أنا فاشل فاشل..

.أنا مش ممكن انجح في المادة دي أبدا..

مش ممكن أراجع الكمية دي كلها..

.محدش أسسني في المادة دي...

المادة دي بتسد نفسي..

وتسمى هذه العبارات الإيحاءات النفسية الانهزامية أو السلبية...كلام كبير..صح؟!!!

علشان متقعش في المطب ده اسمع حبيبك بيقول إيه بس بعد ما تصلي عليه، قال صلى الله عليه وسلم : " تفاءلوا بالخير تجدوه " ودي دعوة للتفاؤل والتفكير الايجابي وده محتاج شوية تعود أو بمعنى تاني إعادة برمجة للسوفت وير بتاع دماغك..حبة تخيل...

جرب كدة الليلة دي قبل ما تنام اقفل على نفسك الأوضة علشان
محدش يسمعك وأنت بتكلم نفسك ولو إن دي حاجة متوقعة الأيام دي...كرر بينك
وبين نفسك جملة حلوة.. طبعا مش هتقول أنا مش قصير واوزعة أنا طويل وأهبل
!!! لا قول...

أنا واثق من مذاكرتي

المعلومات اللي هقراها بكرة هفهمها بسهولة

بكرة في الامتحان أعصابي هتبقى مرتااااااااااااااااااااااحة جداً

على فكرة المادة دي هايفة واللي يقول غير كدة مبيفهمش حاجة

المادة دي هجيب فيها امتياز

وحاجات من كدة يعني، ودي
علماء النفس بيقولوا عليها الرسالة العقلية الايجابية، يعني هتقعد تكرر
جملة منهملحد ما تصدق نفسك وفي الحالة دي هتعمل اللي كنت متخيل انه سابع
المستحيلات..محدش يقول عليا لسعت من الامتحانات...الكلام ده والله كلام
علمي بحت ومثبت بالتجربة.

اسمع اللي أكتر من كدة...الجملة اللي اخترتها علشان
تكررها

اكتبها ع الكمبيوتر

أو بخط كبير وحلو

أو تعالى وأنا أكتبهالك

وصورها وعلق نسخة منها في كل حتة ممكن تبص فيها

تحت زجاج المكتب

ع الحيطة أدامك

أدام السرير

اعملها خلفية للديسك توب

او سكرسن سيف

جنب باب الحمام

أي حتة بتتردد عليها باستمرار

علشان تخلي المخ يصدق بجد وبسرعة

يا ريت الجملة اللي اخترتها

متكونش طويلة

ويكون

فيها معنى واحد

مش موضوع تعبير يعني

وميكونش فيها كلمات تتعبك

زي كلمة صعب وفشل

لأنها هتطبع في المخ

ويا سلام بقى لو تكون بالألوان الفاتحة الرومانسية

وفوقها منظر طبيعي حلو زيك كدة

أو منظر حاجة بتحبها أو مرتبطة معاك بذكرى سعيدة

الصورة اللي مرتبطة معاك مش حد تاني..

في الآخر أنا شخصياً أنصحك بإن تكون الكلمة اللي هتكتبها

بعيوني هشوف النجاح..وأنا مرتاح

من طرف **Optimistic Doctor** 28/05/11, 09:56 am

السؤال
فى هذه الظروف التي نستعد فيها كتلاميذ(طبعا انتم بأه مهندسين معتوش تلاميذ)
للامتحانات، الأستاذة الكريمة أشعر عندما يقترب الامتحان بأني لا أملك
مزاجا للمراجعة والإعداد للامتحان.. فما سبب ذلك؟ وبماذا تنصحينني؟

الاجابه
وعليكم السلام ورحمة الله
وبركاته، إن الوضعية التي تشتكي منها أخي الكريم هي حالة كل فرد معرض
لتقويم أو امتحان كيفما كان نوعه، فحالة عدم القدرة على التركيز أو حالة
انعدام المزاج كما أسميته.. كلها حالات نفسية هروبية منها الشعوري ومنها
اللاشعوري، وهل حالة طبيعية جدًّا وتعتبر من إحدى مكانزمات الذات.

لكن كيف يمكن التغلب عليها

؟

التغلب عليها يتم بالأمور الآتية:

1-تثبيت النفس واستحضار الذهن أثناء الحفظ والمراجعة ومحاولة الفهم للمادة التي بين أيدينا. ( مجرد محاولة هتنجح ان شاء الله )

2- وكما سبقت الإشارة إلى ذلك الالتزام بحضور المحاضرات والدروس والاستفسار عن الغامض منها في حينه من طرف المحاضر أو الأستاذ الملقي له.

3-المذاكرة اليومية لما تم أخذه في نفس اليوم، وألا نترك مادة اليوم إلى الغد.

4- بالإضافة إلى التقسيم الجيد للمادة العلمية حسب الوحدات الموضوعية وتدارسها وحدة وحدة. هذا بالإضافة إلى المناقشة الجماعية للمادة العلمية واستجلاء الغامض منها، وكذا الاستعانة بوضع رسوم وخطاطات من شأنها أن تسهل عملية استيعاب هذه المادة.

طبعا الكلام دا مش للو قت الراهن بالنسبة اللى عندهم امتحانات زى
اللى ذاكر ذاكر من اول السنة زى منتوا شايفين

بس لسه في امل
تابعوووووووووووووووونا

من طرف المهاجرة إلى الله 28/05/11, 11:11 am

العفو يا دكتور والله بجد موضوع حلو قوى ومكتوب بطريقه جميله وشيقه ومنتظرة البقيه ان شاء الله وربنا يجازيك خير على هذا النشاط الرائع فى المنتدى وربنا يسهل وأقدر أساهم باللى أقدر عليه السنه الجايه ان شاء الله ان أحيانى الله جزاكم الله كل خير

من طرف **Optimistic Doctor** 28/05/11, 11:39 am

الامتحانات على الابوب ماذا افعل؟؟؟؟؟؟؟؟؟؟؟؟؟

من الجميل أن
يحدد الإنسان هدفه بوضوح، ويسعى لتحقيقه بكل طاقاته، وبكل السبل، ولكنه لا
بد وأن يستعد لبعض العقبات وأحيانا فإن الفشل مرة لا يعني أن الحياة قد
انتهت وقديما قالوا: إن خسارة معركة لا تعني نهاية الحرب، وقالوا: علينا أن
نسعى وعلى الله النجاح.

وقال المتنبي:

ما كل ما يتمنى المرء يدركه
تأتي الرياح بما لا تشتهي السفن

وبما ان الامتحانات على الابواب فانى انصحك بالاتى:

عليك أولا الاستعانة بالله والتوكل عليه
ثم تقوم بتقييم قدراتك بوضوح، فقد تكون محبًا للمذاكرة والدراسة ولكن
قدرتك على التحصيل ضعيفة؛ فيحتاج الأمر منك لجهد أكبر لتحقق نجاحًا في
دراستك، ولتحسين أسلوبك في التحصيل والمذاكرة، إليك بعض الإرشادات التي
وضعها المختصون للمذاكرة بطريقة جيدة:

1- قراءة ملخصات المواد والمضمون والفهرس للكتاب. ( طبعا احنا عدينا المرحلة دى )

2- قراءة سريعة للكتاب وتصفح سريع له. (عشان تاخد فكرة عامة)

3- أن تعرف الأشياء المألوفة لديك والأشياء الصعبة. ( في حاجات هتلاقى نفسك عارفها او مش هتاخد مجهود ذاكرتها لا سمح الله قبل كدا وحاجات معقداك )

4- أن تقرأ الجديد جيدًا وتستوعبه. ( عشان تبقى كدا عندك فكرة مبدئية عن المنهج كله )

5- أن تختبر نفسك كل فترة وتقيم ما درسته سابقًا. ( عشان ميبقاش اللى راح راح واتنسي)

6- أن تترك المادة الدراسية، وتعود لدراستها بعد فترة للتأكد من إجادتها. ( دا لو بتذاكر من اول السنة )

7[/size

][size=21]- يفضل أن تحدد وقتًا ومكانًا ثابتين للمذاكرة بحيث تكون المذاكرة عادة باستمرار. ( ودا مش شرط اساسى لان في ناس زى مبتعرفش تعمل كدا )

8- قسم مذاكرتك على فترات فمثلًا خذ بعد كل ساعتين فترة راحة. ( ميبقاش كله ضرب نار يعنى)

9- تجنب أوقات التعب الجسدي مثل وقت العصر والعشاء ولا تسهر كثيرًا. ( دا مهم جدا ...........)

10- أنسب الأوقات للمذاكرة هو الوقت المبكر. ( اللهم بارك لامتى في بكورها ......)

11- ضع جدولا للدراسة والمذاكرة ولا تؤجل أوقات المذاكرة؛ فيصبح الإلمام بالمواد المتراكمة في وقت قصير فوق طاقتك. ( اول بأول وخلص .....واياكم من كلمة النهار لسه طويل)

وفي النهاية إن لم تحصل على التقدير المطلوب هذا العام فما زال في إمكانك المحاولة من بداية السنة الدراسية القادمة.

واعلم أننا
يجب أن نرضى بما قسمه الله لنا
فهناك الكثير من الأمور نتمناها ونسعى لها ولا ندركها، وبعد مرور الوقت نعلم أن من رحمة الله بنا ورأفته أن أكرمنا بالابتعاد عنها.

ولا تنسوا
أن
عدم حصولكم على تقدير هذا العام لا يعني نهاية لعالم وأن السعادة لا تنحصر
في ان تصبح الاول على دفعتك ، فهناك الكثيرممن يحصلون على التقديرات
الشعبية ويكونوا في سعادة لا توصف . واستعينوا بالله ولا تعجزوا

يعنى يا جماعة ربنا مش بينقص حد حقه ولا بياخد مننا الا اذا كان في خير لينا

وبالتوفيق

انتظروا البقية

كيف تتعامل مع ورقة الامتحان
وربنا يوفقكم

من طرف **Optimistic Doctor** 28/05/11, 11:45 am

المهاجرة إلى الله كتب:العفو يا دكتور والله بجد موضوع حلو قوى ومكتوب بطريقه جميله وشيقه ومنتظرة البقيه ان شاء الله وربنا يجازيك خير على هذا النشاط الرائع فى المنتدى وربنا يسهل وأقدر أساهم باللى أقدر عليه السنه الجايه ان شاء الله ان أحيانى الله جزاكم الله كل خير

جزانا الله واياكم كل الخير ان شاء الله
واهلا بحضرتك معانا في المنتدى في أي وقت
يشرفنا مساهمة حضرتك

بالتوفيق للجميع ان شاء الله

من طرف **Optimistic Doctor** 28/05/11, 07:17 pm

في الفاصل يعنى لحد ما اكمل الموضوع

حبيت أقدم ليكم شوية أدعية يارب يتقبلها منا ومنك يارب..

دعاء قبل المذاكرة:- اللهم ارزقني (إني أسالك) فهمالنبيين والهام الملائكة المقربين برحمتك يا ارحم الراحمين اللهم أجعل ألسنتنا عامرةبذكرك وقلوبنا بخشيتك وأسرارنا بطاعتك انك على كل شئ قدير وحسبنا الله ونعمالوكيل

بعد المذاكرة:- اللهم انياستودعك ما حفظت وما قرأت فرده إلي يوم حاجتي إليه انك علي كل شيء قدير وحسبنا اللهونعم الوكيل

عند التوجه إلى الامتحان:- اللهم أني توكلت عليك وسلمت أمري إليك ولا ملجأ منك إلا إليك

عند دخول لجنة الامتحان:- ربي أدخلني مدخل صدق وأخرجنيمخرج صدق وأجعل لي من لدنك سلطانا نصيرا

عند بداية الإجابة:- ربي اشرح لي صدري ويسر لي أمري واحلل عقدة من لساني يفقهوا قولي...بسم الله الفتاح....اللهم لا سهل إلا سهلته.. يا أرحم الرحمين

عند تعسر الإجابة:- لا اله إلا أنت سبحانك اني كنت من الظالمين يا حي يا قيوم بك نستغيث واللهم لا سهل إلاما جعلته سهل وانت تجعل الحزن إن شئت سهل

عند النسيان:- اللهم ياجامع الناس في يوم لا ريب فيه اجمع علي ضالتي

في النهاية:- الحمد لله الذي هدنا إلي هذا وما كنا نهتدي لولا ان هدنا الله

وربنا يوفق الجميع ان شاء الله

من طرف **Optimistic Doctor** 30/05/11, 06:11 pm

اسمعووووووووووووونى ..... لازم تعرفوا ...

- حالتك النفسية هى اللى بتحدد ان نظرتك للامتحان سهل او
صعب، ومواجهة اسئلة الامتحان بتحول الخوف من السقوط إلى احساس بالفرحة وانت
بتجاوب صح

- خلى استعدادك للامتحان فرصة تقرب فيها من ربنا لو مكنتش قريب منه يعنى اصلا
ودا المفروض في كل الحالات

-تقديرك مش دليل ذكائك ولا نبوغك

-انت ناجح بينك وبين نفسك لو عملت اللى عليك وبس

- همتك بقدر ما أهمك.

- مفاتيح التفوق الدراسي:

* التوكل على الله
* الأخذ بالأسباب............... يعنى تذاكر
* الثقة الكاملة بالنفس.................محنا قولنا انا مش قصير ازوعة

- أسرار المتفوقين:
* الاهتمام
* التركيز
* تكرار المحاولة

- ابدأ مراجعة دروسك دوما بباسم الله تعالى، فأي عمل لا يبدأ باسم الله فهو أبتر مقطوع البركة.

- استعن بربك عز وجل فهو المعطي المانع.

- احذر الإيحاءات السلبية:
* أنا فاشل في الدراسة
* هذه المادة صعبة لا يمكن أن أنجح
* المستقبل غامض
* ماذا حصد أصحاب الشهادات العليا لكي أحصده أنا.

معادلة: عدم الثقة بالنفس + الإيحاءات السلبية + الرضا بالواقع = تلميذ(ة) فاشل(ة)

نم ثقتك بنفسك:
- خليك واثق دايما ان ربنا معاك
- دور على جوانب القوة في شخصيتك واستثمرها في الذكاء الدراسى
- حاول ثم حاول ثم حاول واعلم أن اليأس سلعة الضعفاء وشماعة للفاشلين .
- كن متفائلا: " تفاءلوا بالخير تجدوه " حديث شريف

- احذر رفقاء السوء فالفشل وباء يعدي وصدق القائل:

لا تصحب الكسلان في حالاته *** كم صالح بفساد آخر يفســـد

عدوى البليد إلى الجليد سريعة *** كالجمر يوضع في الرماد فيخمد

- لا تؤجل عمل اليوم إلى الغد.

- اهتم بصحتك الجسمية والنفسية:
* الاعتناء بالنظافة
* التغذية الجيدة؛ عدم الإفطار في الصباح يسبب نسيان 70% من المعلومات في الحصص الصباحية.
* الإدمان على الشاي والقهوة وسائر المنشطات يتعب الذاكرة.

أنت والامتحان
1- قبل الامتحان:
- اتأكد دايما من معرفتك بدقة لجدول الامتحان
- ثق بالله واعمل اللى عليك
- ناااااااااااااااااااااااام كويس ليلة الامتحان اوعى تروح وانت تعبان ومنمتش كويس
- افكر دايما انك ناجح وتقدر توصل وتتغلب على اى حاجة
- ازاى انجح؟ بلاش تقول انا بنجح ليه ؟ لما تقول ازاى يتديك دفعة للتحدى والتحمس انما ليه ؟تديك يأس وكسل
- حل الامتحانات السابقة ... بتطمنك بنسبة كبيرة جدا للامتحان اللى انت داخله
- لخص ..... علم نفسك ازاى تلخص الموضوع في نقط صغيرة وبلاش تخلى حد يعملهالك
- نام بدرى ، يقول أحد الأطباء أن الإنسان الذي يفضل أن
ينام نهارا ويذاكر ليلا تنخفض قوة استيعابه إلى 25% من قوة الاستيعاب
الطبيعية.

- روح الامتحان وانت متوضى ....جرب وهتشوف الفرق

استنوا بقى نصايح اثناء الامتحان وما بعد الامتحان

وبعيونكم تشوفوا النجاح يارررررررررررررررب

بعيونك شوف النجاح....... .وانت مرتاح

بعيونك شوف النجاح....... .وانت مرتاح

رد: بعيونك شوف النجاح....... .وانت مرتاح

رد: بعيونك شوف النجاح....... .وانت مرتاح

رد: بعيونك شوف النجاح....... .وانت مرتاح

رد: بعيونك شوف النجاح....... .وانت مرتاح

رد: بعيونك شوف النجاح....... .وانت مرتاح

رد: بعيونك شوف النجاح....... .وانت مرتاح

رد: بعيونك شوف النجاح....... .وانت مرتاح

رد: بعيونك شوف النجاح....... .وانت مرتاح

رد: بعيونك شوف النجاح....... .وانت مرتاح

رد: بعيونك شوف النجاح....... .وانت مرتاح

رد: بعيونك شوف النجاح....... .وانت مرتاح

رد: بعيونك شوف النجاح....... .وانت مرتاح