قانون الكوسة
صفحة 1 من اصل 1
قانون الكوسة
:::::::: قانون الكوسة ::::::::
سايد قانون والقانون
ماكن وساكن فيها
بيعكس آيات الكون
ويجيب عاليها واطيها
خلى الحرامي محامي
وخلى الحقير ده وزير
خلى القصور اتعالت
وعشوش بسيطه اتشالت
خلى العماير زادت
خلى الضماير ماتت
خلى الهموم بالكوم
منع العيون من النوم
قانون الواسطه والكوسه
قانون الخيبه والحوسه
قانون أنيابه في قلوب
كل الغلابه مغروسه
ان عوزت تختم ورقه
أو حتى إمضا بسيطه
تلقي القانون بيقولك
من غير هيصه ولا زيطه
ابجني تجدني ياإما
اخبط راسك ف الحيطه
سايد قانون في بلدنا
حطم أمال ولادنا
خلانا نحني قامتنا
وخلى الكلب أسيادنا
سار في المسار واندار
علي كل دار واختار
ليهم قرار جبار
ولا منه أي فرار
إن الجاهل يبقي عالم
وإن العالم ده حمار
وقال ع الشيوخ كفار
والراقصات أبرار
وهييجي بكره اليوم
ويقول عليا حمار
عشان بقول الناس
ازاي يعيشو احرار
منقول
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى