هل من حق عتريس يتجوز علي فهيمة؟؟؟

لسلام عليكم...

موضوع شائك،،،،،

هل من حق عتريس أنه يتجوز علي فهيمة؟؟؟

سؤال يطرح نفسه...سيبكو بقا من عتريس ومراته وخلونا فالموضوع بجد...

بما اننا قاعدين أجازه ورايقين..الواحد دماغه بتقعد تفكر فحاجات .. فجه فبالي حكاية الزوجة التانية دي فحبيت نناقشه سوا..

ايه رأيكم بجد في الموضوع دا؟؟

نبدأ طبعن بالشرع وهو معروف طبعا انه له الحق يتجوز فور باي فور قصدي 4 يعني..بس بردو في آية مش متذكراها اوي بس معناها انه يجب العدل بين الزوجات دي..وآيه تانيه بتقول ان معرفتش تعدل تبقي واحدة تكفي..وايه كمان بتقول انه لن يعدل ولو حرص علي ذلك...ها؟؟مش معني كدا ان الافضل واحده بس ؟؟

طب فرأيكم ايه الدوافع للرجل أنه يتجوز2 وفنفس الوقت ميقدرش يستغني عن الاولانيه ولسه بيحبها؟؟هل لان عنيه فارغه؟؟ولا دي حاجه سيكولوجية في الرجالة؟؟؟

يا ريت كل واحد يخش يقول رأيه ووجهه نظره؟؟

وهل موافق ع كدا ؟؟؟ طب والبنات ممكن تستمري مع عتريسك فالمستقبل لو عملها؟؟؟

طب والولاد بقا يقولولنا ايه الدوافع ال تخلي عتريس يعمل كدا من وجهه نظرهم؟؟؟

و يا ريت يظهر رأي مؤيد للحكاية دي عشان يوضحلنا وجهة نظر جديده غير ال متعودين عليها..

يا ريت بقا كلنا نشارك ونسمع وجهات نظر جديدة ومفيدة...

وشكراااا

((وان خفتم الا تقسطوا في اليتامى فانكحوا ماطاب لكم من النساء مثنى وثلاث ورباع .. فإن خفتم الا تعدلوا فواحدة أو ماملكت أيمانكم ذلك أدنى ألا تعولوا))

صدق الله العظيم...
شكرا للمشاركه ال قلت ودلت دي .. بس يا ريت حضرتك كنت وضحتلنا بقا وجهة نظر حضرتك فالدوافع ال تخليه يعمل كدا؟؟؟ وهل هو كدا أناني وظلم الانسانة ال أخلصت له ؟؟ ولا نقول ان هي أكيد السبب ال خلته يعمل كدا؟؟؟؟
يعننننني عاوزين نبص للقضية من الناحية "النفسية" شوية..هل هو يبقي انسان سوي ولا عينه زايغة؟؟هل من حق المرأه سعتها انها تقول لأ مش هكمل؟؟ ولا هي كدا بتهد أسرة ولازم تستحمل عشان اولادها؟؟ يا تري هتكون ايه مشاعرها لما تحس انها فشلت فرسالتها كزوجة وزوجها اتجوذ عليها!!! و فنفس الوقت،،ازاي واحدة ترضي انها تكون زوجة ثانية؟؟مع العلم ان في كتير منهم بيبقو بنات لسه اول مره يتجوذو ويوافقو انهم يكونو زوجة ثانية!!!
م الآخر الموضوع دا اذاي هيكون صح وهو قايم علي كسر قلب انسانة ممكن تكون مظلومة أو لأ..وربما يصل لهدم اسره كامله وضياع الاولاد؟؟ أسألة كتييير أوي فالموضوع دا... أتمني يكون في تفاعل أكتر يا دكاترة مع الموضوع ...
وجزاكم الله خيراااا..
وشكرا لمرور حضرتك..

اولا بالنسبة للر اجل الى هيفكر يجوز لازم يكون الانسانة الى هيجوزها بيحبها حب حقيقى وهى تكون برده بتحبه من قلبهاعشين حياتهم تستمر مهما كانت العثرات والزلل لانهم هيزلللوها فى مقابل احياء الحب ده اما حكاية الانسان الى بيجوز اتنين دى نتيجة للجواز التقليدى ولاسيما مصر يعنى حوالى 90فى المية من شباب وبنات مصر بيجوزوا جواز تقليدى يعنى جوازة والسلامة يعنى الشاب يجوز البنت الى مش كان عاوز يجوزها وكزالك البنت تجوز الراجل الى مكنتش بتحلم بيه فتلاقى الراجل يعينى اجوز البت من هنا ملقاش الحب الى كان بيحلم بيه فيجوز تانى فميلاقيش فيجوز تالت ورابع بس فى بعض الرجالة فعلا عينهم زيغة وبيحبوا البنات ودى حقيقة فيجوز بالاربعة او مجرد بيتباهى بالنسوة زى ايام الجاهلية والامثلة كتير هههههههه عمنا الحاج متولى الى اجوز اربعة وبالفعل كان بيميل للزوجة الاولى لانها بتبقى الحب الاول فى حياته وعشين كانت بترعى سعيد ههههههه بس طبعا فى رجالة مخلصين لو مراته او حبه الاول ضاع بيعيشلى الدور ويعملى فيها هينتحر وكلام الافلام ده كله وميجوزش تانى فعلا وبالمثل المراة تلاقى جوزها بيموت من هنا وتلبس الاسود وتشيل فكرة الجواز بعد كده ومنهم الى بغير رايه ههههههه وبسرعة

مفيش جديد كتب:اولا بالنسبة للر اجل الى هيفكر يجوز لازم يكون الانسانة الى هيجوزها بيحبها حب حقيقى وهى تكون برده بتحبه من قلبهاعشين حياتهم تستمر مهما كانت العثرات والزلل لانهم هيزلللوها فى مقابل احياء الحب ده اما حكاية الانسان الى بيجوز اتنين دى نتيجة للجواز التقليدى ولاسيما مصر يعنى حوالى 90فى المية من شباب وبنات مصر بيجوزوا جواز تقليدى يعنى جوازة والسلامة يعنى الشاب يجوز البنت الى مش كان عاوز يجوزها وكزالك البنت تجوز الراجل الى مكنتش بتحلم بيه فتلاقى الراجل يعينى اجوز البت من هنا ملقاش الحب الى كان بيحلم بيه فيجوز تانى فميلاقيش فيجوز تالت ورابع بس فى بعض الرجالة فعلا عينهم زيغة وبيحبوا البنات ودى حقيقة فيجوز بالاربعة او مجرد بيتباهى بالنسوة زى ايام الجاهلية والامثلة كتير هههههههه عمنا الحاج متولى الى اجوز اربعة وبالفعل كان بيميل للزوجة الاولى لانها بتبقى الحب الاول فى حياته وعشين كانت بترعى سعيد ههههههه بس طبعا فى رجالة مخلصين لو مراته او حبه الاول ضاع بيعيشلى الدور ويعملى فيها هينتحر وكلام الافلام ده كله وميجوزش تانى فعلا وبالمثل المراة تلاقى جوزها بيموت من هنا وتلبس الاسود وتشيل فكرة الجواز بعد كده ومنهم الى بغير رايه ههههههه وبسرعة

هههههههه عندك حق يا دوك..
بس بردو ليه كله فالاخر علي دماغ الزوجه يعني هو يعيش حياتو هي تنقهر!!!ايه الظلم دا
وطبعا كل الرجاله عنيهم ذيغه وبالذات ال بيربو دقنهم معظمهم يتجوز 4 منقبات هههههه
ربنا يقوينا بس بردو مازالت الاكياس السودا في جعبة المرأة...وأنا شخصيا لو حصل بعد الشر معايا كدا والله مش بعيد اشغل الاكياس دي..وطبعا دا بردو بيرجع لقدره المرأة ع الاحتمال وعقلانيتها والحمد لله لا أنا عاقلة ولا عندي احتمال هاهاهاها
وشكراااا للمرور والمشاركه يا دوك..

[quote="rosy
هههههههه عندك حق يا دوك..
بس بردو ليه كله فالاخر علي دماغ الزوجه يعني هو يعيش حياتو هي تنقهر!!!ايه الظلم دا
وطبعا كل الرجاله عنيهم ذيغه وبالذات ال بيربو دقنهم معظمهم يتجوز 4 منقبات هههههه
ربنا يقوينا بس بردو مازالت الاكياس السودا في جعبة المرأة...وأنا شخصيا لو حصل بعد الشر معايا كدا والله مش بعيد اشغل الاكياس دي..وطبعا دا بردو بيرجع لقدره المرأة ع الاحتمال وعقلانيتها والحمد لله لا أنا عاقلة ولا عندي احتمال هاهاهاها
وشكراااا للمرور والمشاركه يا دوك..[/quote]
ههههههه وتنقهر ليه يادوكتورة لو ممعجبهاش الحال وحسيت بالظلم تقدم قضية خلع ههههههه بس مش كل الرجالة عنيهم زيغة وايه حكاية اللى بيربوا دقنهم بيجوزوا اربع منقبات ؟؟؟ هههههههه يعنى انا هجوز اربع متقبات ههههههه..........يعنى ايه الاكياس السواداء دى؟؟؟؟؟؟؟هل تقصدى دهاء المراة وشكراااا

ههههههههههه
اولا كووول الرجاله عنيها زيغه ودي قاعده نفسيه مسلم بيها يعني عندهم ميول بطبيعتهم نحو الجنس الاخر حتي لو كان متجوذ..ومفيش جدال ف كدا..
وحكاية ال يربي الدقن أنا قصدي ان معظم المشايخ بيميلو لزواج الاربعة...
والأكياس السودا ???ايه يا دوك مش عارفها!!يعني يتقتل ويتقطع حته حته حته حته ونعملو جارات ونعبيه فالاكياس السودا دي عشان منتقفشش ..هههههه

كلام صح يادكتر
بس مسالتش نفسك الحب ازاي هيبقي موجود قبل الجواز وان مجتمعنا رفضةاو نقول مش متقبله وفيهم ال بيتريأ عليه ف النهاية اكيدمش هنغيرافكار الناس بس الاهم اننا نثق في نفسنا وملناش دعوة بكلام حد المهم ارضاء الله
وكل واحد وضميره
توبك را

[quote="rosy rose"]ههههههههههه
اولا كووول الرجاله عنيها زيغه ودي قاعده نفسيه مسلم بيها يعني عندهم ميول بطبيعتهم نحو الجنس الاخر حتي لو كان متجوذ..ومفيش جدال ف كدا..
وحكاية ال يربي الدقن أنا قصدي ان معظم المشايخ بيميلو لزواج الاربعة...
والأكياس السودا ???ايه يا دوك مش عارفها!!يعني يتقتل ويتقطع حته حته حته حته ونعملو جارات ونعبيه فالاكياس السودا دي عشان منتقفشش ..هههههه[لا كل دى تفيد التعميم وده مش صح انا اعرف ناس بجد قمة الاحترام والقدوة فى غض البصر وكل شى ولاعينهم زيغو ولاحاجة اختلف معاكى فى النقطة دى زى مفى بنات خجولة وحيية فى بنات برده مش كويس ولادلة كتير فى زمننا الاخبر ده يعنى ربنا خلق الوحش والحلو وحكاية المشايخ دى اول مرة اسمع عنهم دول الى بيسميهم بيطبقوا الشرع بحزافيره هههه وحكاية الجارات دى حصلت بس بالبوتاسا الكاوية فعلا وعلى حد قولى
غل المراة مهما كان مكتوم هيجيله يوم ويثور

مفيش جديد كتب:
لا كل دى تفيد التعميم وده مش صح انا اعرف ناس بجد قمة الاحترام والقدوة فى غض البصر وكل شى ولاعينهم زيغو ولاحاجة اختلف معاكى فى النقطة دى زى مفى بنات خجولة وحيية فى بنات برده مش كويس ولادلة كتير فى زمننا الاخبر ده يعنى ربنا خلق الوحش والحلو وحكاية المشايخ دى اول مرة اسمع عنهم دول الى بيسميهم بيطبقوا الشرع بحزافيره هههه

اممم ممكن أكون أخطأت فالتعميم بس عالأقل نقول الغالبية..طب مهو بردو المشايخ بيتجوذو 4 بيبقو غاضين بصرهم بدليل انهم بيتجوذو منقبات يعني مبصلهاش مش شرط عينو ذيغه يعني بيبص لأ قصدي ان عنده ميول لأكتر من زوجة..وطبعا قله قليله هي ال عندها قناعة..

مفيش جديد كتب: وحكاية الجارات دى حصلت بس بالبوتاسا الكاوية فعلا وعلى حد قولى
غل المراة مهما كان مكتوم هيجيله يوم ويثور

ماسموش غل يا دوك دا حرقه دم وقهر يا عيني ويا ريت حد بيقدر..

اه في حاجه نسيت اقولها بس لاذم تتقال,,وهي ان احيانا الست هي السبب فان جوذها يعمل كدا ممكن تكون مهمله فنفسها أو فيها حاجه مدايقاه ومش رضية تتغير,,,

letlifeflow كتب:كلام صح يادكتر
بس مسالتش نفسك الحب ازاي هيبقي موجود قبل الجواز وان مجتمعنا رفضةاو نقول مش متقبله وفيهم ال بيتريأ عليه ف النهاية اكيدمش هنغيرافكار الناس بس الاهم اننا نثق في نفسنا وملناش دعوة بكلام حد المهم ارضاء الله
وكل واحد وضميره
توبك را

عليكى نور انتى سالتى وجوبتى معاا ....... حكاية هيبقى موجود دى عادى الواحد ممكن يحب شخص مجردنظرةاو حواور او اى حاجة صدفة ويلاقى نفسه ارتاح اللانسان ده من عند الله وممكن فى حوار برده صدفة يعرف شخصيتها وهى برده ولو حصل تالف يروح جرى للبيت ويقابلها فى بيت والدها فى وجود محرم زى اى محد عادى بيخطب عشين يعرف شخصيتها اكتر وكده مدام وحكاية ان مجتمعنا رافض او بيتريا هما معاهم حق .........الى بيحصل عندنا مجرد ان الشاب بيتسلى بالبنت وكزالك البنت ولافى حب ولا حاجة كله اغانى وده حرااااااااااام شرعااا لازم تكون نهاية الامر جواز مش تسالى زى مبيحصل فى مصر وزى حضرتك متفضلتى اهم حاجة الثقة بالنفس ونيتنا الخالصة لوجه الله وكلام الناس ده فى الزبالة مدام مبغضبش ربنا

letlifeflow كتب:كلام صح يادكتر
بس مسالتش نفسك الحب ازاي هيبقي موجود قبل الجواز وان مجتمعنا رفضةاو نقول مش متقبله وفيهم ال بيتريأ عليه ف النهاية اكيدمش هنغيرافكار الناس بس الاهم اننا نثق في نفسنا وملناش دعوة بكلام حد المهم ارضاء الله
وكل واحد وضميره
توبك را

عندك حق يا ليت مش شرط الحب بدليل ان معظم جواذات الحب هي ال بتفشل لانهم بنو حياتهم علي معصيه لربنا,,انما ممكن نقول يجب ان يكون هناك توافق او تفاهم مش حب بقا وكدا يعني,,
شكرا جزيلا يا ليت لمرورك ورأيك,,
نورتي الموضوع..

ممم ممكن أكون أخطأت فالتعميم بس عالأقل نقول الغالبية..طب مهو بردو المشايخ بيتجوذو 4 بيبقو غاضين بصرهم بدليل انهم بيتجوذو منقبات يعني مبصلهاش مش شرط عينو ذيغه يعني بيبص لأ قصدي ان عنده ميول لأكتر من زوجة..وطبعا قله قليله هي ال عندها قناعة..
هههههههههههههههه شيوخ ايه دنتى غلبانة مهى دى الخدعة دول ناس بيستغلوا لقب شيخ ولبس العمامة والجلبية فى اخفاء معاصيهم ومنهم برده المنقبات فعشين كده منحكمش الى شيفينه ادمنا انه مش كويس او كده يكون عند ربنا احسن من اصحاب الزقون المزيفة

مفيش جديد كتب:..
هههههههههههههههه شيوخ ايه دنتى غلبانة مهى دى الخدعة دول ناس بيستغلوا لقب شيخ ولبس العمامة والجلبية فى اخفاء معاصيهم ومنهم برده المنقبات فعشين كده منحكمش الى شيفينه ادمنا انه مش كويس او كده يكون عند ربنا احسن من اصحاب الزقون المزيفة

امم بردو مش كلو في مشايخ كتير محترمه وكذلك منقبات كتير محترمات ومع ذلك بيتجوذو 4

امم بردو مش كلو في مشايخ كتير محترمه وكذلك منقبات كتير محترمات ومع ذلك بيتجوذو
مكلتش حاجة اه اتفق معاكى دول بقى هتلقيهم سيكولوجيا بيحبوا الجواز هههههههههه عادى بقى ربناموزع الناس وصفاتهم وميولهم وكده يعنى

هههههه حلوة بيحبو الجواز دي!! هما قادرين ع واحده لما يفكرو فالتانيه ههههه
وفعلن عند حضرتك حق..هي ربنا موزع الصفات فالبني آدمين..وكل واحد ونصيبو بقا..أهم حاجه بقا ندعي ربنا يبعد عننا الزوجة التنية دي هاهاها

أتــــــــقوا الله ويعلــــمكم الله
no comment
بجد توبيك رائع وكفيش تعليق عندى غير دا
الردود غنية عن التعليق
شكرا على التوبيك

The ShAdOw كتب:أتــــــــقوا الله ويعلــــمكم الله
no comment
بجد توبيك رائع وكفيش تعليق عندى غير دا
الردود غنية عن التعليق
شكرا على التوبيك

شكراا ليكي انتي يا شادو علي مرورك الرائع،،،
نورتي الموضوع يا جميل،،

السلام عليكم....
آسفة اوى ان ردي جه متأخر شوية
من وجهة نظري ان مفيش راجل ممكن يتجوز على مراته لو كان بيحبها .....
الا لاقدر الله وجد اسباب تؤدي للضرورة ده
... زي عدم وجود الخلفة لا قدر الله أو نحوه...
ولو اتجوز على مراته من غير اي أسباب ...فهو لازم يتقال عليه أناني فعلا.... والست لو وافقت ان جوزها يتجوز عليها وهيا بتحبه فهيا ممكن تلاقي جواها حزن و ألم انها تشوفه مع ست تانيه
وده وجهة نظري ...
وشكرا ياروزي انك فتحتي باب المناقشة بيننا ..... مع تحياتي

:lol:

نغم كتب:السلام عليكم....
آسفة اوى ان ردي جه متأخر شوية
من وجهة نظري ان مفيش راجل ممكن يتجوز على مراته لو كان بيحبها .....
الا لاقدر الله وجد اسباب تؤدي للضرورة ده
... زي عدم وجود الخلفة لا قدر الله أو نحوه...
ولو اتجوز على مراته من غير اي أسباب ...فهو لازم يتقال عليه أناني فعلا.... والست لو وافقت ان جوزها يتجوز عليها وهيا بتحبه فهيا ممكن تلاقي جواها حزن و ألم انها تشوفه مع ست تانيه
وده وجهة نظري ...
وشكرا ياروزي انك فتحتي باب المناقشة بيننا ..... مع تحياتي

:lol:

عندك حق اووي بالذات فحته انها هتحس بحزن وألم والله فعلن الستات دول غلاااابة..
شكرا لرأيك ومشاركتك يا جميل
نورتي الموضوع