اسئلة محيرة

كل واحد يخش ويقول السوال الى محيره بجد النهارردة اسالت واحرجت فى نفس الوقت سوال غريب معرفتش اجاوب عليه؟؟؟؟؟؟؟؟ وهو انا اللب ايه من العناصر الغزائية بروتين ولا كربوهيدرات ولا ايه لو حد متاكد يقولى وشكراااااااا؟

بالنسبه للب امممم هو بيتخن يبقي أكيد نشويات يعني حاجه ذي كربوهيدرات او كدا..
اما سؤالي بقا ال بجد محيرني بقالي اكتر من سنا مش لاقياله اجابه..وهو لية بنربط القلب بالمشاعر ؟؟؟ليه ديما بنقول القلب هو ال بيكره او بيحب.. اشمعن مثلا بنقول ان القلب هو ال بيتحكم فمشاعرنا..مع ان لو بصيناله من نحيه الانتومي هنلاقيه حاجه ذي اوده مليانه دم من كل نحيه وبشاعه وكدا ....
لو حد عنده اجابه او رأي يقول...

امممم
يعني مثلا الاعصاب دي متوصله مع القلب مع السربرال كورتكس يعني ال3 متوصلين سوا ؟؟؟؟ طب هل دي مثلا ممكن نعتبرها ذي الريفيرد بين ذي ال الزايده بتوجعو والاسكين ال فوق المنطقه دي بيوجعو بردو عشان النيرف ال فيه الألم بيعدي ع النرف بتاع السكن ؟؟؟؟...يعني الاموشنات دي بنحسها م القلب بدل السربرال كورتكس عشان نرفهم واحد؟؟؟؟ أرجو التوووضيح أنا مش فهمه بالظبط؟؟؟؟؟؟؟؟؟؟

على ما تجيب الاجابة يا رامي اكون انا سألت سؤال ....

الدودة اللي بتطلع جوة الفاكهة المقفولة (اللي بتبقى سليمة من برة يعني ) دي بتيجي منين ؟؟؟؟؟؟

تانى سوال غريب الواحد لما ينام وبيصحا بيحس كانوا غمض عينه وفتحها تانى وهل ده برده بيحصل فىالموت؟؟

انا عاوز فسيولجية الامر ده ولا هو حاجة فى علم الغيب يعنى المخ ليه علاقة مثلا

طيب ع متفكرو بردو سؤال تاني..
ايه الدافع وراء الخوف الشديد من أن أي شخصية ع المنتديات تتعرف وده بلا استثناء ولا حتي استثني نفسي ووالله ما بخص بيه حد معين؟؟بس ايه الدوافع ال ممكن تبرره؟؟ هل حبا للغموض ام عدم امتلاك شجاعه كافيه؟؟

اصل ده مبد ا فى المنتديات وبالتالى لو اتعرف الشخص مش هيحس بمتعة المنتدى وهيضطر يسيبه

يعنى لو انا قلت لحضرتك ممكن تزكرى اسممك بالكامل مش هتردى مش خوفا بس المبدا كده صح ولا لا

يسلام طب وافرض الظروف حكمت وغصب عنو اتعرف ؟؟؟؟
هل يهرب م الموقف ويخش باسم تاني ولا يكون شجاع ويثبت ان مفيهوش حاجه غلط يخاف منها؟؟ عامه الموضوع كلو آرااء
وشكرا جزيلا لرأيك دكتر مظلوم..

ده يبقى جبان الى يعمل كده بس ازاى يتعرف مدام لاعب الدور وداخل بالا سم الخفى

ههههههه
لا يتعرف دي سهله اووووي لو مش بالأي بي يبقي بالاسلوب ال متعودين عليه مثلا لو واحد الناس كلها بتقول كلمه"عشان" بالالف وهو كان الوحيد ال بيقولها"عشين" بالياء.. بيتهيألي لما هييجي يتخفي هينسي يغير اسلوب كتابته وهيكتبها بالياء بردو فهمت يا دكتر مظلووم؟؟؟
وفي ع فكره ناس عندهم الحاسه السادسه وصعب يندحك عليهم ..
برردو اولا واخيرا الموضوع مجرد آراااء واختلاف الرأي لا يفسد للود قضيه

انتى بتشتغلى فى المباحث

عادى يسلام وايه يعنى مهو الصح عشين طبقاا للعامية

بس أنا مقصدش هي صح و لا غلط وبردو مقصدتش حد بكلامي دا كان مجرد نقاش وكنت حابه اسمع آرآء..

ثانكس علي رأيك دوك مظلوم..
جزاكم الله خيرااا

أولا شكر كبير أوي أوي لروزي ع الاجابة بتاعت الدودة دي لان السؤال ده كان مجنني بجد .



بالنسبة لسؤال النوم بتاع مظلوم اعتقد ممكن تكون الأحلام ليها علاقة بالموضوع ده بمعنى انك
لو حلمت بحاجة هتحس بعد ما تصحى ان في وقت مر عليك وانت نايم .
ولو ما حلمتش مش هتحس بالوقت .

ومركز الأحلام وفسيولوجيتها ده كله هتدرسوه السنة دي في الفسيولوجي .


بالنسبة لسؤال روزي اللي مش فاهم اذا كان بجد او هي تقصد بيه حاجة معينة لان
في حلقة ناقصة عندي م الموضوع ده

بس بيتهيألي كده ان لو كل واحد اتعرف بشخصيته الحقيقية في المنتدى ده هيقلل من
المعاملات بين الأعضاء وبعضها وخصوصا بين الاولاد والبنات وممكن الحوارات
عالمنتدى تسبب في مشاكل برة المنتدى ........إلخ .
يعني العضو مش هياخد راحته أوي .

ومع ذلك ممكن منتديات تلاقي كل الأعضاء عارفين بعض وكله ماشي تمام ومفيش مشاكل
وده بيتوقف على شخصيات الأعضاء وطريقة تفكيرهم .

أه صحيح

سؤال كمان ساعة الكمبيوتر أو الموبايل ازاي بتظبط نفسها لما بنطفيه خالص وبعدين نفتحه ؟؟؟؟؟؟؟؟

SomeOne كتب:‏
بالنسبة لسؤال روزي اللي مش فاهم اذا كان بجد او هي تقصد بيه حاجة معينة لان
في حلقة ناقصة عندي م الموضوع ده

والله يا دكتر السؤال دا مكنتش اقصد بيه حد... هو اه حصل شد شويه بس غير مقصود لان السؤال دا فعلن كان محيرني وكان لاذم اتناقش فيه..

SomeOne كتب:
بس بيتهيألي كده ان لو كل واحد اتعرف بشخصيته الحقيقية في المنتدى ده هيقلل من
المعاملات بين الأعضاء وبعضها وخصوصا بين الاولاد والبنات وممكن الحوارات
عالمنتدى تسبب في مشاكل برة المنتدى ........إلخ .
يعني العضو مش هياخد راحته أوي .

ومع ذلك ممكن منتديات تلاقي كل الأعضاء عارفين بعض وكله ماشي تمام ومفيش مشاكل
وده بيتوقف على شخصيات الأعضاء وطريقة تفكيرهم .

اممم عند حضرتك حق فعلن العضو مش هياخد راحته..ولوني شيفه ان حكاية المشاكل ال بره المنتدي دي بعيده اوي لان لاذم يكون في فصل تاااام بين التعاملات هنا والتعامل مع اي حد في الكليه..وكمان تقريبا محدش عارف حد الا بنات سنه 2 الي حد ما هما ال عرفين بعض..وأصلن مبدأ الاختلاط في الكليه مرفوض تماما-عالأقل شخصيا- يعني حتي لو حصل وعرفت حد عمر مهيكون في أدني تعامل برا اطار المنتدي..

وبردو أنا رأيي معاك ومع د-مظلوم ان الافضل ان الشخصيه تكون هي النك نيم مش أكتر...دا رأيي..واضح ان الآرآء متشابهه..

وجزاكم الله خيرا علي المشاركه بالرأي..

اه
بالنسبه لسؤال حضرتك بتاع الساعة..بيتهيألي انها حاجه في البروسيسور بتظبطه لوحده من غير الباور..بس مش متأكده بردو انا مبفهمش اوي ف الكمبيوتر..
لو حد عارف يقول..

rosy rose كتب:طيب ع متفكرو بردو سؤال تاني..
ايه الدافع وراء الخوف الشديد من أن أي شخصية ع المنتديات تتعرف وده بلا استثناء ولا حتي استثني نفسي ووالله ما بخص بيه حد معين؟؟بس ايه الدوافع ال ممكن تبرره؟؟ هل حبا للغموض ام عدم امتلاك شجاعه كافيه؟؟

=====================================
وراء الخووووووف؟؟؟؟؟؟؟؟؟؟؟؟؟؟
شىء غريب----------اوووووووووووووووووووووووووووى
اى خوف يكمن--فى ذلك--طالما ان الشخص لم يكن سبباااااا فى اتلاف التبادل الفكرى
---هناك من يربط الواقع المادى--بالواقع العينى
ولا اظنهم كثيرون
بغض النظر ---عن ذلك--على سبيل المثال
ان شخص عرف شخص--------------------من خلال--المساهمات---قد اعتمدت على الذكاء السيكولوجى
من اجل بلوغ مرحلة تحقيق متكامل---من اجل كسر غموض--كان اشبه--بالاعجاب ممكن او بالاغتياظ من جهه اخرى
فيشبع بذلك العقل من خلال كلا الشعورين
وكسر شرنقة الغموض
-------------------------
واريد ان اعبر عن شىء ما
التبادل الفكرى===========لا بد الا ننظر اليه من الجانب الشخصى
ان الانضمام الى المنتديات
يهدف اساسا الى الاستفادة من المضمونات والمحتويات التى توجد فيه
اما للهدف الاخر
هو تبادل الفكر-------من اجل حدوث----التشابك الفكرى
فهنا
المنتدى
يتلقى الافكار----بغض النظر اكان هذا الشخص ام غيره---هو صاحبه
فلا نريد افكاراااااااا متشابهه الى حد التطابق ولا نريدها مختلفة الى حد التصارع
---------------------------------------------------------------------------
ولكن بعد هذا كله
معرفة الشخص لاخر-----------تؤثر فى نظرة كل منهما لاخر
ويا لسوء الامر لو كان محل عملهما واحدااااا
نحن بشر--كلنا نؤمن بذلك---والنفس امارة بالسوء--من منا ينكر هذا---سيربط كلا الشخصين ما كتب على المنتدى بالواقع----على الاقل فى تفكيره هو---وربما زاد الامر سؤااااااااا بالافصاح الى اعز الاصدقااء ---على اساس ان الموضوع عاااااادى خاااااااالص
سينظر الشخص الى الاخر فى محل عمله----بأن هذا دوون الاخرين فى نفس المكان
هو صاحب الرأى كذا وكذا وكذا
ان معرفة الشخص-------------للاخر---كفيل بفقد المزيد من التبادل الفكرى
وفقد الاقتصار على متطلبات اليد
وهذا الكلام لا اخص به احداااااااااااااا
ولكن توضيح الامور فوق كل اعتبار
واحب احييى بجد--السؤااااااال الجميل دا لانه وضح لو وجهات نظر جديدة
اللهم بلغت اللهم فاشهد

بالنسبه لسؤالك ياروز هوا للى بيبقى عنده مشكله انه يتعرف بيكون حاجه من اتنين يا اما اسلوبه ع المنتدى مخالف للواقع بمعنى حد بيكتب مواضيع دينيه وهو مش ملتزم فالناس لو شافته تقول ايه ده ؟؟!!! او حد داخل يشتم فى الناس او فى الدكاتره بيفرغ شحنة جواه لكن هو اساسا مش كده او خايف يتواجه وبالتالى الناس لو شافته برده هتستغرب
او بدون اسباب عادى بس مش فاهمه ليه ترفضى تتعرفى على زميلاتك البنات اللى معاكى فى الدفعه وع المنتدى !! وخصوصا اذا هما سعوا لكده..لكن ال males اعتقد مفيش داعى لان مفيش تعامل اساسا فى الواقع لكن البنات حاجه تانيه

فيه منتدى جانبنا اول مره دخلته كان فيه ناس بترمى كلام لناس تانيه تعنى انهم ذوى شخصيات مزدوجه وبيمثلوا ع المنتدى وكده يعنى وبصراحه استغربت ..بس حاليا مش مستغربه لانى فعلا شفت ناس بيتعاملوا باسلوب ع المنتدى وهما فى الواقع حاجه تانيه خالص
anyway ..
صعب اوى اى حد يمثل لمده طويله ..مهما كان ..الشخصيه بتتضح للاذكياء فقط من خلال الاسلوب ومش ممكن حد يحكم على حد من خلال موقف واحد بس والا انا بعتبرها سذاجه وقلة خبره


انا بالنسبه لى معظم البنات هنا او ع المنتديات التانيه عارفنى وعايزه اقولك هما اكتشفونى لوحدهم والله مش عارفه ازاى يعنى الاقى واحده بتقولى هو انتى ابغى اللى ع المنتدى ..غيرته وبقيت challenger لقيتهم بيقولوا لى حلو اوى challenger ده ..اه بالمناسبه انا غيرت الاسم حبا فى التغيير عشان المنتدى التانى مش فيه خاصية تغيير الاسم ..اموت واعرف ازاى عرفونى !!!!!بس يمكن لان اللى عندهم نت مش كتير فبيكونوا معروفين ..وبعدين كفايه انى عرفتك انتى ومسلمه من هنا ..ربنا يبارك فيكم
عملتى اللى قلت لك عليه امبارح ..!!