الزمالة البريطانية للنساء والتوليد ( النظام الجديد )

من طرف **Optimistic Doctor** 20/09/11, 10:53 am

بسم الله الرحمن الرحيم

اخواني واخواتي الاطباء والطبيبات

السلام عليكم ورحمة الله وبركاته

من
حوالي تلات سنين نزلت موضوع بعنوان الزمالة البريطانية للنساء والتوليد
وموجود في معظم المنتديات والمواقع الطبية والنهاردة نزلت الموضوع ده بنفس
الاسم لانه فيه حاجات كتير اتغيرت في نظام الزمالة ونظام الامتحان عشان
كده كان لازم أعيد كتابة الموضوع مرة تانية واقؤلكم علي كل التفاصيل
الجديدة عشان محدش يعتمد علي المعلومات القديمة هاعرض دلوقتي كل ما يخص
الجزء الأول وان شاء الله قريب أوي هاعرض كل ما يخص الجزء التاني
والموضوع ده مفتوح للنقل لاي طبيب في اي منتدي او موقع بس ليا طلب واحد وهو طلب الدعاء لي بظهر الغيب عند وضع الموضوع

الزمالة البريطانية في النسا عبارة عن جزئين

الجــــــــــزء الأول

أولامواعيد الامتحان

يعقد امتحان الجزء الأول مرتين كل سنة في :1- شهر مارس (1 ديسمبراخر ميعاد للتقديم لدخول امتحان مارس يوم)

2- شهر سبتمبر (اخر ميعاد للتقديم لدخول امتحان سبتمبر يوم 1 يونيه)

ثانيارسوم دخول الامتحان

300 جنيه استرليني

هاتروح البنك وتاخد معاك المبلغ وتقوله عاوز اطلع شيك مصرفي موجه الي RoyalCollege of Obstetricians and Gynaecologists

تخلي موظف البنك يكتبه بالكمبيوتر وخلي بالك غير مسموح بالغلط في أي حرف من
اسم الزمالة والا ورقك هايرجع ويفضل انك تروح بنك أجنبي في مصر أو تروح
فرع رئيسي وبعدين تكتب اسمك بالقلم الجاف علي ضهر الشيك بالانجليزي طبعا

ثالثاالاوارق المطلوبة لدخول الامتحان وكيفية إرسالها

1- أصل شهادة البكالوريوس بالانجليزي
( مختومة من الكلية ومن الجامعة وأوقات ناس بتروح مكتب ترجمة معتمد عشان
يترجم الأختام الي الانجليزية ويرفق الورقة بتاعة مركز الترجمة مع الشهادة)

2- ملئ ال
application
ودي هاتلاقيها علي موقع الزمالة
البريطانية للنساء والتوليد بعد فترة وغير مسموح بإرسال ابليكاشن بتاعة
امتحان سابق لانه كل امتحان له ابليكاشن خاصة بيه أي نعم نفس البيانات بس
التاريخ بيختلف من امتحان للتاني

3- شيك مصرفي بقيمة 300 جنيه استرليني يرفق مع الورق

بعدين تروح شركة طرود زي فيديكس او دي اتش ال أو غيرها من شركات الطرد العالمية وتبعتهم علي عنوان الزمالة وهو
Examination Department
Royal College of Obstetricians and Gynaecologists
27 Sussex Place
Regent’s Park
London
NW1 4RG
قيمة الطرد من 250 جنيه الي 350 جنيه
وفيه ناس بتبعت الورق عن طريق البريد المصري عن طريق خدمة النت كورير ب 140 جنيه
وتقدر تتابع الطرد بنفسك بالتليفون لحد ما تتأكد انه وصل

بعد كده لو ورقك اتقبل هايبعتولك علي الاميل رسالة يقولولك فيها انك اتقبلت وهايدوك رقمك عندهم تحفظه زي اسمك لانه مهم

وبعدها بشويه ممكن يرجعلك شهادة البكالوريوس وايصال باستلام الشيك المصرفي
(يعني انك سددت والشيك اتقبل ) علي عنوانك في مصر بس فيه ناس ما رجعلهاش
الشهادة والايصال وده عادي يعني مش هاتفرق في أي شي

ابل الامتحان بأسبوعين او تلاتة بالكتير هاتدخل علي موقع الزمالة
البريطانية وتحمل رقم الجلوس الخاص بيك وهايكون فيه مقر الامتحان وميعاده
ورقم الجلوس بتاعك ورقم الديسك اللي هاتقعد عليه هاتعمل طبع للصفحة دي
وتاخدها معاك الامتحان ولازم تكون واخد أي اثبات شخصية زي البطاقة او جواز
السفر مثلا

رابعانظام الامتحـــــــــــــان

أبل ما هاتدخل اللجنة هاتوقع أمام اسمك في الكشف اللي بيكون موجود مع منسق الامتحان خارج قاعة الامتحان
بعدين هاتدخل تقعد علي الديسك بتاعك , بعدين رئيس لجنة الامتحان اللي هو
بيكون بروفيسور بريطاني هايقول ليك تعليمات الامتحان وازاي تجاوب الاسئلة
وتملئ بياناتك
ابل الامتحان بعشر دقايق تقريبا هاتستلم كراسة الاسئلة وورقة اجابة واحدة
وهاتكتب اسمك علي ورقة الاجابة والاسئلة بالقلم الرصاص خلي بالك بالقلم
الرصاص وبرده هايدوك ورقة كده تكتب فيها اسمك وعنوانك وبياناتك بالقلم
الجاف وهاياخدوها منك, بعد كده لما تيجي لحظة الامتحان هايقولك أبدا
وطبعا هاتحط بطاقتك الشخصية او الجواز قدامك علي الديسك لانه هايعدي عليك
المراقب عشان يتأكد من شخصيتك وهايكون قدامك قلم رصاص واستيكة ونوت فيها
ورق فاضي ويفضل انك تاخد معاك قلم رصاص احتياطي وبراية

الامتحان عبارة عن ورقتين
الورقة الأولي تشمل الاتي
1- Anatomy
2- Biochemistry
3- Embryology
4- Endocrinology
5- Epidemiology/ Statistics
6- Genetics
7- Physiology

الورقة التانية
1- Biophysics
2- Clinical Management
3- Data interpretation
4- Immunology
5- Microbiology
6- Pathology
7- Pharmacology

طبعا ترتيب المواد اختلف عن الامتحانات السابقة في مواد كانت في الورقة الأولي بقيت في الورقة التانية والعكس
وفيه مواد جديدة أول مرة تنزل وهم
1-
Clinical Management
ودي ملهاش مصدر معين تذاكر منه معتمدة علي المعلومات الاكلنيكية في النسا يعني ممكن تجاوبها من شغلك في النسا او مذاكرة كتب النسا
المادة التانية الجديدة وهي
2-
Data interpretation
ودي تبع ال
Biostatistics
وليها كتاب علي موقع الزمالة البريطانية الرسمي

زمن كل ورقة ساعتين ونص ( أبل كده كان كل ورقة ساعتين )
بينهم ساعة ونص أو ساعة بريك

الاسئلة عبارة عن قسمين من الأسئلة
أول قسم

Single best answer

(SBA)

ودول عبارة عن 60 سؤال عليهم 50 % من الدرجة
وخلي بالك من الاسئلة دي لانه الاختيارات بتكون متشابهة أوي وممكن اختيارات تكون صح بس انهي واحدة أدق ومناسبة للسؤال

ملحوظة هامة : نظام ال
EMQs
اتلغي وبقي مكان نظام ال
Single best answer

اللي قؤلناه فوق

تاني قسم
Multiple choice Question ( MCQ)
يعني أسئلة اختياري ( صح وغلط )

بحيث تقول قدام كل فقرة اذا كانت صح او غلط

The MCQ section

مثال

**The pudendal nerve
A. derives its fibres from the second, third and fourth sacral segments
B. runs between the pyriformis and coccygeus muscles before leaving the pelvis
C. has the pudendal artery on its medial side as it lies of the ischial spine
D. gives off the inferior haemorrhoidal (rectal) nerve in the pudendal canal
E. innervates the clitoris

خلي
بالك أوي وانت بتنقل الاجابة من كراسة الاسئلة الي ورقة الاجابة يعني
مثلا لو السؤال رقمه 60 يبقي هاتروح علي ورقة الاجابة هادور علي رقم ستين
لانك ممكن تتلخبط

خامسا: الكتب اللي بيتذاكر منها للجزء الأول

** books must be read in details:1) Basic Science in Obstetrics and Gynaecology - A book
for MRCOG Part 1 (4th edition) Authors/editors: Phillip Bennett
and Catherine Williamson2) Basic Science in Obstetricsand Gynaecology Tim Chard

** MCQs books to be answered all:1) Richard de Courcy-,Khaled El-Hayes. 2) Jafaru Abu and David Ireland
3) Past Papers 1997 - 2001 4) Khaldown W Sharif( Saunders) 5)- RCOG Examination part 1Committee

عرض الكتب بطريقة تانيةأولا : كتب الشرح
1- basic science in ob&gyne Phillip Bennett and Catherine Williamson
2- basic science in ob&gyne edited tim chard

ثانيا : كتب الاسئلة
1- How to prepare for part 1 Mrcog 2- Self assessment guide (mcqs for part 1)3- Saunders Mrcog part 1 mcqs edited khaldoun w.sharif 4- mrcog part 1 edited tim chard 5- past paper 1997 till 2001 6- RCOG Examination part 1Committee

ينصح
بعد تضيع وقت كبير في كتب ال ام سي كيو لانها مش ملزمة للي بيحط الامتحان
يعني يمكن اخر امتحان اتعمل نزل من كل الكتب دي سؤال او اتنين أو كان
عندك وقت كفاية انك تحل

وعشان
أسهل عليك تروح مكتبات القصر العيني او عين شمس وتقؤله عاوز كتب الجزء
الاول من الزمالة البريطانية للنساء والتوليد زي مكتبة المنار في عين شمس
ملاحظة

فيه
ناس ذاكرت تيم شارت مع اسئلة الباست بيبر ونجحت وفيه ناس ذاكرت تشامبرلين
والباست بيبر ونجحت وفيه ناس كانت بتذاكر الاتنين مع الباست بيبر ونجحت
.. بس ناس كتير بتذاكر تيم شارت مع الباست بيبر لانه تشامبرلين كبير وغلس
شويه ....
وفيه كورس بتاع الدكتور محسن عطية ناس بتذاكر منه

اهم حاجة اهم حاجة اهم حاجة انك تحل اسئلة الباست بيبر وبتكرر بالنص
والامتحان الاخير في الورقة الاولي كان أكتر من 70 % من اسئلة الباست بيبر
بالنص
مذاكرة بدون حل الاسئلة يبقي مالهاش لازمة خالص وممكن تسقط بسهولة جدا جدا
... انا اعرف ناس ما ذاكرتش غير الباست بيبر بس ونجحت بس ده شئ مش مضمون
طبعا

سادسا :وكيفية المذاكرة فترة المذاكرة التي ينصح بها
ينصح تلات شهور متصلين متفرغ للمذاكرة أو ست شهور متقطعين وبعد ما تخلص
شابتر معين حل عليه الاسئلة بتاعته من مذكرة الباست بيبر وخلي بالك من
الاناتومي والاندركين والفسيولوجي لانه عليهم درجات كبيرة

معلومات هامة
أول حاجة
عشان تقدر تدخل امتحان الجزء التاني لابد انه يكون معاك شهادة خبرة بقضاء
أربع سنين عمل في مجال النساء والتوليد والشهادة دي من أي مستشفي رسمية
حكومية عندها الامكانية لاستخراج شهادة الخبرة
زمان كانوا بيتشرطوا مستشفيات معينة معتمدة زي الساحل والجلاء لكن دلوقتي
قالوا اي مستشفي حكومية عندها الصلاحية لاستخراج شهادة الخبرة
تاني حاجة
امتحان الجزء الاول ممكن تمتحنه في السعودية لانه بيتعمل هناك مرة في جدة ومرة في الرياض بالتبادل وامتحان الجزء التاني بيتعمل في دبي
تالت حاجة
لو عاوز تلتحق ب
Internationl trainning program in united kingdom
يبقي لابد من تلات شروط
الاول اجتياز امتحان الجزء الاول من الزمالة
التاني قضاء اربع سنين عمل فعلي في مجال النساء والتوليد
التالت اجتياز امتحان ال ielits والسكور بتاعك يكون مش أقل من 7
واجتياز المقابلة الشخصية
=========================

[size=21]والاااااااااااااااااان مع المفاجأة

الااااان
ومن غير ما تتعب وتبحث وتسأل هايكون بين ايديك ملف عليه كل ما يخص
الزمالة البريطانية للنساء والتوليد وكل اللي تحتاجه عشان تنجح باذن الله
بكل سهولة

أقدم لكم هذا الملف وأتمني من الله ان تدعوا لي بظهر الغيب

أولا : ملخص كامل للزمالة البريطانية باجزاءها الاول والتاني

تعريف بالزمالة.rar

ثانيا : كورس د/ محسن عطية يشمل ورق الفارما اللي مكنش موجود في الملف السابق ويشمل قائمة بالاختصارات اللي موجودة في الكورس

كورس د محسن عطية.rar

ثالثا : اجابات اسئلة ال
Past paper 1997-2001

Past papers answers.rar

رابعا : امتحانات الزمالة البريطانية للنساء والتوليد من 2002 الي 2009
دي امتحانات كانت بتتباع علي النت فيه اسئلة ليها اجابات وفيه اسئلة مفيهاش اجابات كان بيبعها دكتور باكستاني
بالاضاااااااااااافة الي امتحانات الزمالة البريطانية لسنة 2005 و 2006 و 2007 من موقع
onexamination
بالاجابة بتاعتها وتعليق علي كل اجابة

Exams.rar

خامسا : كتب الزمالة المطلوبة

كتب الزمالة.rar

سادسا : مواقع مهمة للزمالة

مواقع مهمة للزمالة.rar

سابعا : ملف فيه الاتي

1- مثال من الابليكاشن اللي لازم عشان تدخل الامتحان
2- نظام الامتحان الجديد ابتداءا من مارس
3- مواعيد الامتحان
4- أماكن الامتحان
5- قوانين ولوائح الزمالة
6- الاسئلة الشائعة

important collection.rar

==================================

الوصايا العشر للحصول علي الزمالةأولا : صلاة الاستخارةما خاب من استخار ولا ندم من استشارثانيا : حدد هدفكحدد الأول انت عاوز تتخصص ايه وتكون من متأكد من اختيارك لتخصصك لأنه مش هاينفع تاخد نيابة في تخصص غير اللي بتذاكر فيه للزمالةثالثا : اجمع كل الداتاحاول تعرف كل حاجة كل المعلومات عن الزمالة اللي
ناوي تذاكر فيها اعرف كل شئ من البداية حتي النهاية لأنه ممكن يكون فيه
حاجات فيها مش تناسبك أو ظروفك مش بتسمح بيهارابعا : أمن نفسك حبالها طويلة وعاوزة صبر ومثابرة واجتهاد علشان كده
تتسرعشي وادرس الموضوع دراسة كويسة من كل النواحي والمفروض تأمن نفسك
الأول بدبلومة ولا ماجستير مصري لأنه زي ما قؤلتلك الزمالة حبالها طويلة
فا مش معقولة هاتوقف حياتك كلها عليها يعني تسيب نيابتك وتسيب شغلك كله
علشان تذاكر في الزمالة لأنه ممكن تحصلك ظروف بعدين وما تقدرشي تكمل فيها
وبالتالي تكون خسرت كل حاجة
الا اذا كنت طبيب وحالتك المادية مرتاحة أو عرفت توفق بين الزمالة ونيابتك وشغلك
خامسا : ايه الفايدة ؟لازم تقعد مع نفسك
وتسأل نفسك أنا عاوز اخد الزمالة ليه ؟؟ هل علشان السفر والشغل
بره هدف جميل جميل طبعا هل علشان تشتغل بيها في مصر ممكن برده بس اعتقد
الشغل بيها في مصر مش مجدي أوي إلا في بعض المحافظات زي القاهرة لأنك مش
هاتتعب وتصرف فلوس كتير علشان تقعد بيها في مصر خصوصا انه مادياتها بره
أحسن من مصر أما لو عاوزها علشان هدف علمي بحت أو مكانة اجتماعيةسادسا : ابـــــدأعلي أد ما تقدر ابدأ بدري يعني لو ينفع تمتحن أو
تذاكر وأنت في امتياز يبقي كويس وممكن تستغل التكليف انك تذاكر وتدخل
الفيرست كمان وبكده يبقي حققت خطوة حلوة ولما تدخل نيابتك تمتحن السكاند
أو حسب الظروف وقتهاسابعا : اتعرف وتواصلحاول تتعرف وتتواصل علي دكتور زميلك ماشي في موضوع
الزمالة أو موضوع المعادلة ويا ريت يكون كمان اخد الفيرست او السكاند أو
خلصها كلها هاتستفيد منه جامد في حجات كتير أوي أوي أويثامنا : لا تنسيأي معادلة أو زمالة عاوزة فلوس فا لازم تكون عامل حساب موضوع الماديات ده لأنه مهمتاسعا : لو تقدر خدلو تقدر تاخد كورسات
في الزمالة خد هايوفر ليك وقت وبنسبة 95 % هاتعدي ان
شاء الله
لو صممت وكان عندك عزيمة ودلوقتي فيه مركز اسمه سكور بيدي كورس في معظم
الزمالات الأجنبية وبرده الدكتور محسن عطية بيدي كورس للجزء الاول
وطبعا مش شرط تاخد كورس معظم الناس بتعدي من غير كورسات عاشرا : لا تستمعلا تستمع إلي كلام الناس اللي ممكن تقؤلك انه
الحصول علي الزمالة أو المعادلة شئ مستحيل لا لا ثم لا ايوه هيا صعبة لكن
مش مستحيلة بدليل انه فيه أطباء كتير بتاخدها وهما مش أحسن منك وأنا مؤمن
تمام الإيمان انه مفيش مستحيل مادام فيه توفيق من ربنا وتصميم وعزيمة
قوية من الطبيبوأخيراوفقكم الله أكرمكم الله هداكم الله الي ما فيه الخير

رجااااااااااءا
لا تنسوني بالدعاء بظهر الغيب

أخوكم
دكتـــور
أحمد رفعت عدلي

منقول