رابعة طب بنها في سطور...... حصرياً على طب فور يو

من طرف **Optimistic Doctor** 12/08/11, 03:04 pm

السلام عليكم ورحمة الله وبركاته

حياكم الله اعضاء طب فوريو الكرام

بداية كل عام وأنتم بخير بمناشبة شهر رمضان الكريم

أعاده الله عليكم بالخير واليمن والبركات

رابعة طب بنها في سطور...... حصرياً على طب فور يو 611

رابعة طب بنها في سطور...... حصرياً على طب فور يو 611

الموضوع ده معمول عشان نعرف سنة رابعة الجداد ان شاء الله نظام السنة الجديدة ايه؟؟!!

وباذن الله بالتوفيق للجميع

واتمنى الموضوع ينال اعجابكم جميعاً ان شاء الله

يتبع ان شاء الله

من طرف **Optimistic Doctor** 12/08/11, 03:20 pm

أولاً:

طبعاً أكيد سمعتوا عن روندات ومستشفي وكلام كتير من ده

النظام القديم اللي كان معمول بيه قبل السنة اللي فاتت

انهم كانوا بياخدوا المواد كلها نظري طول السنة يعني زي تالتة كده

بس العملي كان بيتقسم روندات يعني الدفعة تتقسم 4 مجموعات

وكل مجموعة تاخد روند معين (مادة معينة يعني )

من الاربع مواد اللي عندنا:

1-رمـــــد
2-أنف وأذن
3-شـــرعي
4-كميونتي "طب مجتمع"

النظام الحالي المعمول بيه واللي اطبق علينا السنة اللي فاتت واللي هيطبق عليكم ان شاء الله

ان كل مادة نظري + عملي هتاخدوها في 1.5 شهر

وبعد الشهر ونص بتوع كل ماده هتمتحنوا امتحان اند روند عليها

وطبعا دلوقتي المادة كاملة عليكوا

يعني لازم تذاكر المادة كلها على اد ما تقدر

لانك لو ركنت حاجة مش هتلاقي وقت بعد كده تذاكرها تاني

المحاضرات : حسب الاقسام ودي هنفصلها تحت باذن الله في كل مادة

الكتب : كتب الاقسام ماعدا الرمد وبرده هنقول الكتب المتاحة في المشاركات القادمة ان شاء الله

الشرايط : باذن الله هنوفر لكم اكبر موسوعة من احسن الشرايط وحصرية على طب فوريو

تابعونا

...........

من طرف dr future 12/08/11, 07:23 pm

متابعين ان شاء الله ,, وشكرا جزيلا

من طرف ""ZOMORDA 12/08/11, 09:36 pm

متابعين ان شاء الله
جزاك الله خير

من طرف **Optimistic Doctor** 13/08/11, 12:25 am

نستكمل الموضوع ان شاء الله

هناخد مادة مادة مفصلة ونتكلم عن كل حاجة فيها

معلومة عامة عن المادة :

الرمد ده من أمتع المواد اللي هتاخدوها

لييييييييييه؟؟؟؟

عشان مادة اكلينيكية

يعني اييييييييه اكلينيكية دي ؟؟؟؟؟!!!!

اقولك ياعم

يعني مادة عملية

فيها نظري كتيييييييييير

بس انت كده خلاص هتحس انك بقيت دكتووووووور بجد مش اي كلام

هتدرس بقى ايه في الرمد ده؟؟

طبعا اكيد سمعتوا عنه لو لو مسمعتوش عنه فهو باين من اسمه

هو علم طب وجراحة العيون

هتدرسوا فيه شباتر خاصة باجزاء العين وهي كالتالي

تقريبا 8 شباتر كبار وشويه تانييين كده صغيرين

1-Eye Lid
2-Conjunctiva
3-Cornea
4-Glucoma
5-Lens (Cataract)
6-Retina
7-Errors of refraction
8-Squint

الشباتر الصغيرة بقى

1-Iris & ciliary body
2-Neuro-Ophthalmology
3-Optic Nerve
4-Sclera
5-Vitreous
6-Choroid
7-Orbit
8-Tumors
9-Trauma
10-Systemic Diseases

نظام دراسة المادة في الكلية :
المادة هتتاخد في 1.5 شهر
عملي + نظري

وغالباً في الكلية عشان متتخضوش انكم ختحسوا ان القسم فيه استهتار كبير

يعني مفيش نظام شويه

المحاضرات هتبقى في المدرج

وفي ناس كتير مش بتحضر

والروندات بتبقى في قسم الرمد في مبنى المستشفي فوق في الدور السابع

الروندات بتاخدوا فيها ايه؟؟؟؟؟

بتاخدوا في الاول الاجهزة واستعمالها

وكمان بتشوفوا صور حالات وكده

بس هم عندنا مش ملتزمين بمنهج

يعني هتلاقو جابوا اخر المنهج في الاول وعااااااادي

لان اصلا مفيش كتاب رمد خاص بالقسم

فالمعيدين بيشتغلوا كده وخلاص

بس متقلقوش ان شاء الله المذاكرة سهلة بس عاوزة عزيمة وحب للمادة

اوعوا حد يكرهها ..... هتتعبوا اوي لو كرهتوها

حبوها على اد ما تقدروا

مصادر المذاكرة:

الكتب المتاحة في الكلية عندنا 3

1-كتاب د.محمد عبد الحليم + الاطلس

والاطلس ده لا غني عنه لاي حد سواء كان بيذاكر من نظري كتاب د.عبد الحليم

او بيذاكر من غيره

[ندعوك للتسجيل في المنتدى أو التعريف بنفسك لمعاينة هذا الرابط]

وكتاب النظري كويس وحلو بس ناس كانوا بيشتكوا من طوله شويه

2-كتاب د.ياسر من القصر العيني

كويس اوي برده بس مختصر زيادة عن اللزوم

لكن هيبقى مصدر كويس لو سمعتوا شرايط د.ياسر مع كتابه وكملتوا النواقص اللي فيه

[ندعوك للتسجيل في المنتدى أو التعريف بنفسك لمعاينة هذا الرابط]

3-كتاب د.أحمد الهجع

هو اول طبعة تنزل منه السنة اللي فاتت

الكتاب كويس وجميل و خالي من عيوب ونواقص الكتابين اللي فاتوا

وطبعاً كل واحد يشوف الكتاب اللي يريحه وفي النهاية المحصلة واحده

الشرايط:

موجود شرايط د. ياسر

[ندعوك للتسجيل في المنتدى أو التعريف بنفسك لمعاينة هذا الرابط]

وشرايط د.عبد الحليم

[ندعوك للتسجيل في المنتدى أو التعريف بنفسك لمعاينة هذا الرابط]

والاتنين كويسين

وفي شرايط مراجعة كمان للدكتور ممدوح الكفراوي

[ندعوك للتسجيل في المنتدى أو التعريف بنفسك لمعاينة هذا الرابط]

ودي تمام اوي في المراجعة

كده ناقص نتكلم عن اييييييييه؟؟؟؟

اه ناقص الدروس والامتحانات

الدروس:

الدروس هنا ناس بتشوفها مفيده وناس بتشوفها ملهاش لازمة

يعني لو هتقدر تواظب على سماع الشرايط وتلتزم بيها وتخلص في وقت محدد تبقى تمام

انما لو مش من النوع اللي بتحب تسمع شرايط

فممكن تاخد كورس رمد من أول السنة وتتابع معاه

حتى اذا كان الرمد في الاول او في الاخر

اصل نظام الروندات ده عامل مشكلة في ترتيب الكورسات

وطبعا مجموعتك وترتيب الروندات فيها هتحدد حاجات كتير

نيجي بقى للامتحانات:

امتحانات الرمد هو امتحان اند روند وامتحان اخر السنة

طبعا الاند روند شامل نظري وعملي

وااخر السنة نظري وعملي وشفوي

المادة بـ250 درجة

امتحان الفاينال بـ125 درجة

امتحان الاند روند بـ55 او 60 درجة

امتحان الشفوي بـ40 درجة

والعملي بـ25 او 30 درجة

ده اللي انا متذكره دلوقتي

ياااااااااريت اي حد عنده سؤال او لو انا نسيت اي جزء يتفضل يقولنا

أسألكم دعوة صالحة بظهر الغيب

فأنا في أمس الحاجة اليها

بالتوفيق للجميع ان شاء الله

رابعة طب بنها في سطور...... حصرياً على طب فور يو 2382

رابعة طب بنها في سطور...... حصرياً على طب فور يو 2382

.................

يتبع ان شاء الله في بقية المواد

من طرف المهاجرة إلى الله 13/08/11, 03:14 pm

تمام جدااااااا ربنا معاكم يا شباب سنه رابعه لذيذه بس اللى كان مخليها تقيله شويه هوه نظام الراوندات بس انتم لو نظمتوا وقتكوا هيبقى الدنيا سهله خالص .........بالنسبه للرمد زى ما الدكتور قالكم أنا عن نفسى ما أخدتش كورس وناس زمايلى كتير مأخدوش والدنيا كانت كويسه يعنى مش لازم كورس ولا حاجه شرايط د.ياسر فى منتهى الجمال وكتب د.عبد الحليم يعنى لو ذاكرتوا كتب عبد الحليم مع شرايط ياسر بجد جميله جدا كل اللى د.ياسر بيزوده فى الشرايط موجود فى كتب د.عبد الحليم وربنا معاكم وبالتوفيق

من طرف **no way** 13/08/11, 04:57 pm

جزاكم الله خيرا .. متابعين ان شاء الله
جعله الله فى ميزان حسناتكم

من طرف **Optimistic Doctor** 13/08/11, 08:39 pm

on my way كتب:متابعين ان شاء الله ,, وشكرا جزيلا

جزانا الله واياكم ان شاء الله

""ZOMORDA كتب:متابعين ان شاء الله
جزاك الله خير

جزانا الله واياكم ان شاء الله كل خير

المهاجرة إلى الله كتب:تمام جدااااااا ربنا معاكم يا شباب سنه رابعه لذيذه بس اللى كان مخليها تقيله شويه هوه نظام الراوندات بس انتم لو نظمتوا وقتكوا هيبقى الدنيا سهله خالص .........بالنسبه للرمد زى ما الدكتور قالكم أنا عن نفسى ما أخدتش كورس وناس زمايلى كتير مأخدوش والدنيا كانت كويسه يعنى مش لازم كورس ولا حاجه شرايط د.ياسر فى منتهى الجمال وكتب د.عبد الحليم يعنى لو ذاكرتوا كتب عبد الحليم مع شرايط ياسر بجد جميله جدا كل اللى د.ياسر بيزوده فى الشرايط موجود فى كتب د.عبد الحليم وربنا معاكم وبالتوفيق

شكراً جزيلاُ يا دكتورة على مداخلة حضرتك

رابعة طب بنها في سطور...... حصرياً على طب فور يو 106352

MOUSLIMA كتب: جزاكم الله خيرا .. متابعين ان شاء الله
جعله الله فى ميزان حسناتكم

جزانا الله واياكم كل خير ان شاء الله

شكراً جزيلا لكم جميعاً على المرور الكريم

من طرف **Optimistic Doctor** 13/08/11, 09:10 pm

او ما تسمي

E.N.T (Ear, Nose & Throat)

او الاسم الجديد لها

Oto-RhinoLaryngeology (O.R.L)

نتكلم عن القسم الاول ونظام الدراسة فيه

قسم الانف والاذن بصراحة من اكثر الاقسام انضباطاً والتزاماً

سواء بالمحاضرات او الروندات

ورئيس القسم متعاون جدا وكل الدكاتره الحقيقة

واللي عاوز اي حاجة في اي وقت يروح لاي دكتور موجود هناك وهو هيساعده

نظام المحاضرات:

المحاضرات بتبقى في قسم الاذن والانف والحنجرة في الدور الرابع من مبنى الجراحة

وبتبقى تقريباً الساعة 12 كده

نظام الروندات:

الروندات بتبقى في نفس القاعة برده

وبيتكلم فيها عن العملي وكده

examination & instruments

وفي وقت ليكم تنزلوا العيادة الخارجية

انا عن نفسي استفدت منها كتير والحمد لله

هي موجوده مع العيادات الخارجية اللي تحت مبنى المستشفى

جنب باب الزيارات على الشمال

وهتلاقي عياده الاي ان تي على يمينك وانت داخل

وهناك الدكاتره والنواب متعاونين جداً واي حاجة مش فاهمها بيوضحوهالك واسأل متتكسفش عشان تتعلم

المذاكرة ومصادرها:

كتاب القسم كويس جدا

كتاب د/محمد فريد

مع شرايط د. مسعد انور

[ندعوك للتسجيل في المنتدى أو التعريف بنفسك لمعاينة هذا الرابط]

الشرايط ممكن تكون طويلة شويه بس بجد بتفهم جداً جداً

وبرده اللي مبيحبش يسمع شرايط ممكن يعتمد بقى على المحاضرات

والدكاترة كويسين اغلبهم

وفي منتدى وموقع خاص بالقسم هتاخدوا له باسورد واسم للدخول لكل واحد من سكرتارية القسم

لينك الموقع

[ندعوك للتسجيل في المنتدى أو التعريف بنفسك لمعاينة هذا الرابط]

والمنتدى

[ندعوك للتسجيل في المنتدى أو التعريف بنفسك لمعاينة هذا الرابط]

الامتحانات:

القسم بيعمل امتحان في نص الشهر ونص اللي مخصصين للمادة

امتحان تجريبي كده عشان تتعودوا على نظام الامتحان

وامتحان الاند روند بيبقى على نفس المنوال

الدرجات:

المادة بـ200 درجة

على نظام السنة اللي فاتت دي

امتحان الفاينال كان ب110 درجة

(80 درجة نظري + 30 ام سي كيو)

على ما اتذكر

والباقي اعمال سنة وشفوي وعملي

والعملي بيبقى اسئلة على صور ادوات وحالات

وغالباً بتيجي من اسطوانة القسم اللي بتتوزع مع الكتاب

[ندعوك للتسجيل في المنتدى أو التعريف بنفسك لمعاينة هذا الرابط]

قبل ما تذاكر اي شابتر لازم تعرف الاناتومي بتاعه كويس اوي

يعني تذاكر الاناتومي وبعدين الامراض بتاعته

وهي المادة عبارة عن:

Ear
Nose
Pharynx
Larynx
Esophagus

واكبر الشباتر هو الـEar

وارخمهم هو الـLarynx

بس باذن الله لو التزمنا بالشرايط والكتاب والمحاضرات هتلاقوا كله تمام

وربنا معاكم ويوفقكم جميعاً ان شاء الله

..............

يتبع ان شاء الله في بقية المواد

اسألكم الدعاء

من طرف Dr.Eman 14/08/11, 04:13 am

جزاك الله خيرا ,,

يا ريت تقول الاخطاء اللى كتير بيقع فيها علشان نتجنبها

alagr

و متابعين ان شاء الله ,,

من طرف **Optimistic Doctor** 14/08/11, 01:49 pm

Dr.Eman كتب:جزاك الله خيرا ,,

يا ريت تقول الاخطاء اللى كتير بيقع فيها علشان نتجنبها

و متابعين ان شاء الله ,,

جزانا الله واياكم ان شاء الله

الاخطاء اللي بيقع فيها الكتير

اول حاجة انه يركن المذاكرة لقبل امتحان الاند روند

وده طبعاً غلط ...ليييييييييه؟؟

عشان اصلا مش بيذاكر المادة كويس

بيكروتها كده عشان يلحق يخلص

وقبل الفاينال مش هيلحق يذاكر حاجة جديدة

ده ان لحق يراجع اللي كان مذاكره

تاني حاجة: هو ان ناس كتير بتشتت نفسها بين مصادر كتيرة للمذاكرة

وده برده اكبر غلط ... وحد مصدرك وملكش دعوة بحد

كله في الاخر بيصب في نفس الاناء

وهتجيلها كده هي كده عشان هي كده

يعني مثلا في الرمد بدأت مع كتاب د.عبد الحليم واقتنعت بيه

خلاص كمل معاه متقعدش بقى لو شفت حته مع حد زميلك في كتاب تاني تروح تجيبه وتذاكر من الاتنين

لا طبعا لانك مش هتذاكر من ده ولا ده هتوجع دماغك على الفاضي

كمان حاجة

الناس اللي هتاخد الرمد في روند في الاخر

ياااااااااريت يااااااااريت اد ما تقدروا تذاكروا من الاول

يعني لو هتسمعوا كل اسبوع شريطين تلاته بجانب الماده الاساسية بتاع الروند

عشان الوقت في الاخر بيبقى رخم ومش هتلحقوا تخلصوا

او على الاقل يبقى عندك خلفية عن الماده عشان لما تيجي تبدأ فيها

بالتوفيق ان شاء الله للجميع

دمتم في رعاية الله

من طرف **Optimistic Doctor** 15/08/11, 03:53 pm

جاري تحضير باقي الاجزاء

معذرة للتأخير

ظروف خارجة عن الارادة

من طرف Dr.Eman 16/08/11, 02:41 am

من طرف Unknown 17/08/11, 02:01 pm

في انتظار البقية

رابعة طب بنها في سطور...... حصرياً على طب فور يو 327397

من طرف **Optimistic Doctor** 18/08/11, 03:25 pm

معذرة على التأخير

ظروف خارجة عن الاراده

باذن الله ان كان في العمر بقية هنزل الجزء الجديد الليلادي

دعواتكم

من طرف **Optimistic Doctor** 19/08/11, 02:25 am

ثالثا : الطب الشرعي والسموم

Forensic Medicine & Toxicology

اولا الماده باينه من اسمها بتتكلم عن الطب الشرعي والتسمم بالادوية وغيرها من المواد الكيماوية

الطب الشرعي اكيد اغلبكوا من اللي بيحب الافلام والمسلسلات الاجنبية اتفرج على

CSI Miami, New york & Las vegas

NCIS,.........

وغيرها من المسلسلات دي

هتدرسوا فيه مسرح الجريمه والحاجات اللي بتشوفوها فيه

وكمان الاسلحة وانواعها والاعيرة النارية وكده

والغرق و الـpost mortem changes

التوكسو بقى هتدرسوا فيه الادوية ازاي بتعمل toxicity

والفارما هتفرق معاكو كتيييييييييير في الحاجات دي

خصوصا انكو تكونو فاكرين الميكانيزم بتاع الدوا ده ازاي بتشتغل

بالنسبة لمصادر المذاكرة:

فالشرايط المتاحة واللي ماشية على منهج كليتنا هي شرايط د. عبد المنعم

[ندعوك للتسجيل في المنتدى أو التعريف بنفسك لمعاينة هذا الرابط]

كتاب الكلية : عبارة عن كتابين

كتاب شرعي وكتاب سموم

والاتنين بيتذاكر منهم

مفيش مصادر اخرى للمذاكرة

في كتيب شغالين عليه دلوقتي للكتابين على هيئة جداول وباذن الله يكون جاهز قبل ما تبدأوا

الدروس:

الشرايط بصراحة احسن من مييية درس

بس عاوزه تنظيم وقت وبصراحة دكتور عبد المنعم وقسم الشرعي كله بيعملوا مجهود رائع مع الطلبة

نظام الدراسة في الكلية:

كالعاده روندات ومحاضرات

الروندات بتاخدوا فيها العملي بون و جارات وعينات وشرايح

وبصراحة دكاترة القسم كلهم اكثر من رائعين ودي شهادة حق

ومتعاونين مع كل الطلبة وبيساعدوا اي حد

والمحاضرات بتبقى متوزعه في جدول وبيتعلق في القسم وفيه اسم المحاضرة والدكتور اللي بيشرحها

وميعادها واللي عاوز تحضره احضره انت وراحتك

الامتحانات:

بالنسبة للامتحانات المادة عليها 200 درجة

100 منهم نظري اخر السنة ومنهم تقريبا 25 سؤال ام سي كيو

والباقي اسئلة شورت

وفي امتحان اند روند وكتاب العملي بيتكمل ويتسلم و بحث او نشاط (دول اعمال السنة)

وفي المجمل العام المادة لذيذة جداً وهتستمتعوا في الدراسة فيها

وبالتوفيق للجميع ان شاء الله

اسألكم دعوة صالحة بظهر الغيب

من طرف Dr.Eman 19/08/11, 03:34 am

بارك الله فيك وشكرا ع المجهود

gzitom

من طرف **Optimistic Doctor** 23/08/11, 03:44 am

السلام عليكم ورحمة الله وبركاته

معذرة على التأخير

نكمل بمشيئة الله اخر مادة

الكميونتي (طب المجتمع)

Community Medicine

او ما يلقب بالصحة العامة

نبذة مختصرة:

المادة في العموم بتتكلم عن الامراض المنتشرة في المجتمع

وكيفية القضاء عليها وتجنبها

واغلب الامراض دي انتوا خدتوها في الميكرو السنادي بالتفصيل

عشان كده التركيز في الكميونتي بيبقى على الـ

prevention & control

في شابتر في الاول اسمه General epidemiology

وفي الشابتر ده هتاخدوا حاجات كتييييييييييرة اوووووووي

تعتبر اسكيمات هتريحكوا في باقي الكتاب

لان غالبا الكلام واحد مع زيادة او نقص اشياء وطبعاً لكل قاعدة شواذ

وشابتر الـinfection

وده زي ما قولت هتاخدوا فيه الامراض

وبعد كده الشباتر الرخمة شويه بقى

school health
rural health
geriatric
maternal & child

وغيرها بس دول اللي متذكرهم دلوقتي

مصادر المذاكرة:

اولاً : الكتب

المصدر الاول والاساسي كتاب القسم

هو يعتبر كويس جدا بالمقارنة بكتب باقي الجامعات

وفي كتاب دكتور محمد عمارة هو كويس الى حد ما

اغلب الامراض والشباتر متقسمة بنظام الجداول للي بيحب يذاكر بالطريقة دي

ثانياً : الشرايط

شرايط د. شريف الطاهر

[ندعوك للتسجيل في المنتدى أو التعريف بنفسك لمعاينة هذا الرابط]

كويسة جدا وجميلة جدا جدا

ولما تعرفوا دكتور شريف مش هتفوتوله محاضرة

ثالثاً : طريقة المذاكرة

افضل طريقة لمذاكرة الكميونتي هي الاسكيمات

يعني احط اسكيمة للامراض مع بعض الاختلافات هتريح جااااااااامد

ودكتور شريف في الشرايط بتاعته قايل الاسكيمات دي

وصاحبنا كريم سيد كان عمل ورق A3 فيه اسكيمات وتجميعات كويسه اوي

باذن الله هتلاقوة موجود في المكتبة

ولو مش لاقيتوه قولولي هنا وانا احطهولكم ان شاء الله

رابعاً : الامتحانات

على مدار الروند بيبقى في كويزات على الروندات اللي بتاخدوها

يعني كل اخر او اول اسبوع بيبقى في كويز صغير كده قبل الروند على الاسبوع اللي قبله

وامتحان الاند روند بيبقى اسئلة شورت وام سي كيو

والام سي كيو غالباً بييجي من كتاب الام سي كيو اللي هيديهولكوا في القسم

في كمان امتحانات كويزات على النت
رابعة طب بنها في سطور...... حصرياً على طب فور يو 215439

رابعة طب بنها في سطور...... حصرياً على طب فور يو 215439

هم هيدوا كل واحد الاسم والباسورد بتاعه ويدخل يحلهم

عليهم 5 درجات

بجانب 5 درجات كمان على حضور الزيارات بتبقى في الاسبوع التاني او التالت تقريبا

وهم 3 زيارات
رابعة طب بنها في سطور...... حصرياً على طب فور يو 612153

رابعة طب بنها في سطور...... حصرياً على طب فور يو 612153

واحده لمجموعة المياة اللي جنب الموقف جنب قوات الامن كده

وواحدة للمركز الطبي

وواحدة للمستشفى الاميري ( وحدة الغسيل الكلوي او التعقيم)

وامتحان اخر السنة بيبقى شورت وام سي كيو برده

والمادة كلها بـ300 درجة

رابعة طب بنها في سطور...... حصرياً على طب فور يو 901608

رابعة طب بنها في سطور...... حصرياً على طب فور يو 901608

يارب مكونش نسيت حاجة ويارب مكونش ضيف تقيل عليكم في الموضوع ده

ويارب يفيد الجميع باذن الله
رابعة طب بنها في سطور...... حصرياً على طب فور يو 446414

والموضوع مفتوح لأي استفسارات في اي وقت ان شاء الله

أعاننا الله واياكم الى ما فيه الخير دائماً

رابعة طب بنها في سطور...... حصرياً على طب فور يو 446414

وجمعنا الله واياكم في الفردوس الاعلى بصحبة حبيبه ونبيه محمد صلى الله عليه وسلم

دمتم في امان الله

رابعة طب بنها في سطور...... حصرياً على طب فور يو 2382

من طرف نور الزمن 13/09/11, 11:56 am

جزاك الله كل خير يا رامى باشا
happy

___________
تسلم يا غالى ع الجهد العالى والاسلوب الرائع ف العرض happy

من طرف Batot 24/09/11, 12:46 pm

شكرا على مجهودك يا دكتور وربنا يجعله فى ميزان حسناتك

من طرف neuroman 01/10/11, 12:45 am

كلام جميل وشرح وافى يوحى بالتفاؤل .. ان شاء الله تكون سنة كويسة و خفيفة وربنا يوفقنا فى اختيار المصدر السليم للمذاكرة .. انا متفائل .. ومشكوور على مجهودك الرائع يا زعيم..

gzakm

من طرف heba moustafa 05/08/12, 10:28 am

feen ba2y el mwad lw sm7to ya gma3a

رابعة طب بنها في سطور...... حصرياً على طب فور يو

رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو

رد: رابعة طب بنها في سطور...... حصرياً على طب فور يو