صـــــــــــلاة << الخســــــــــــــوف >> كـــله لازم يدخــل

من طرف **Optimistic Doctor** 15/06/11, 05:12 pm

السلام عليكم ورحمة الله وبركاته

ظاهره ( خسوف القمر )

بإذن الله هتكلم معاكم عن الظاهره دي بصوره بسيطة وايه اللي المفروض نعمله فيها
...
قال رسول الله صلى الله عليه وسلم

( إن الشمس والقمر لاينكسفان لموت أحد ولا لحياته ولكنهما آيتان من

آيات الله يخوف الله بهما عباده فإذا رأيتم ذلك فصلوا وادعوا حتى ينكشف مابكم )

يعني ببساطه هي ظاهره كونيه ربنا جعلها
ايه من اياته اللي بيخوف بيها عباده علشان يجعلها تذكره للبشر في كل وقت

واحد هيسئلني طب ايه المفروض نعمله لما تحصل الظاهرة دي ؟

هنعمل زي ما الرسول صل الله عليه وسلم وصانا وهو

كثره الدعاء و الذكر والتكبير والاستغفار والصلاة

سؤال تاني برضه هيتسئل هو الكسوف ده صلاته عادية ولا ليه صلاة خاصة ؟

أقولك ببساطة صلاة الخسوف بتكون ركعتين بس ولكنهم مختلفين عن الركعات العاديه

وبتكون صلاه الخسوف من غير اذان او اقامه

بمعني أننا في الركعتين دول بنعمل الاتي

هنقرا سوره الفاتحه وبعدها سوره طويله شويه
وبعدها نركع ركوع طويل وبعدها نعتدل
وبعدها نقرا تاني سوره الفاتحه وسوره قصيره شويه عن اللي فاتت
وبعدها نركع ركوع طويل برضه وبعدها نسجد لمده طويله
وبعدها نعتدل ثم نسجد مره ثانيه لمد طويله وبعدها نقوم للركعه الثانيه

وفي الركعه الثانيه برضه هنعمل الكلام اللي فات ده كله وبعدها هنختم صلاتنا عادي

ووقتها بيكون ممتد من بدايه الخسوف وحتي نهايته

وباذن الله يوم الاربعاء 15 / 6 / 2011 هيكون فيه خسوف للقمر
من الساعه 8.02 مساءا ولغايه الساعه 05 . 9 مساءا (ولازم نصلي الخسوف يا جماعه )

تنويه : التوقيت ده هيكون باذن الله حسب توقيت مدينه القاهره

وانا بفضل اننا نصليها في المسجد وده لو فيه مسجد هيعملها

وده رابط علشان لو حبين تعرفوا اكتر عن صلاه الخسوف
[ندعوك للتسجيل في المنتدى أو التعريف بنفسك لمعاينة هذا الرابط]

وده كمان رابط تاني للناس المثقفه اللي حابه تعرف خسوف القمر بيحصل ازاي
[ندعوك للتسجيل في المنتدى أو التعريف بنفسك لمعاينة هذا الرابط]

وده كمان رابط جمعت فيه اوقات الخسوف في الدول العربيه علشان اخواني في الله
[ندعوك للتسجيل في المنتدى أو التعريف بنفسك لمعاينة هذا الرابط]

منقول