ليتس بلاي لعبة جامدة في الجون....... (منقولة )

شفت لعبة في منتدى تاني وعجبتني أوي فكرتها قلت نجربها هنا

كل عضو هيتوقع حاجة في شخصية العضو اللي هيرد بعده

ولو الحاجة دي موجودة في اللي هيرد يبقى يقول جول

أما لو مش موجودة فيه يقول أوفسايد

وهو كمان يتوقع حاجة في اللي بعده




وهبدأ أنا ........اللي بعدي بيكره الكلية .

جوووووووووووووووووول

ونا ال بعدي نفسه يطلع معيد فسيولوجي؟؟؟

اوفسايد
انا عاوزة اكون نايب اطفال ان شاء الله
اللى بعدى
صام الستة البيض بعد رمضان

جوووول والحمد لله...

ال بعدي؟؟؟مين نفسو يسافر ياخد دكتوراه من بره؟؟

جوووووول
طبعا مبسوطة النهارده
عشان النهارده عيد ميلادى
اللى بعدى عاوز يجيب السنة دى امتياز

جووووووووووووووووووووووول من هنا لحد بكره
هههههه ربنا يستر بس انا خلاص مش طيقه الكلية شكلي هذاكر منزلي...

ال بعدي؟؟نفسو يبقي عاقل و يبطل جنان؟؟؟

أوفسايد
ده أحلى حاجة الجنان

اللي بعدي عصبي وبيتنرفس بسرعة .

جوووول جدا جدا جدا جدا جدا

ال بعدى؟؟؟نفسه يقرب من ربنا اكتر؟؟؟

وجول وجول وجول
وباحاول بكل استطاعتى
اللى بعدى ختم القران اكتر من مرة فى رمضان

جوووووول والحمد لله
بس للأسف بعد رمضان .........مفيش .
بس ان شاء الله هاحاول اقرا تاني.


اللي بعدي عمل عمرة قبل كده .

اوفسايد
ال بعدى خانه احد اصدقاؤه؟؟؟؟

أوفسايد
هو ممكن يكون في بعض الأفشات بيننا
بس بتبقى بسيطة مش لدرجة الخيانة يعني

اللي بعدي بيحب الكورة .

اوفففففففففففففففففسايد
ال بعدى
دخل طب بمزاجو

جول
هو مش حبا فيه بس انا ماكانش في دماغي هدف أصلا .

اللي بعدي بيخاف م الضلام .

جوووووول
ال بعدى مبيفوتش محاضرة

أوفسايد وإنذار وغرامة مالية
ومش هاقول اكتر من كده .


اللي بعدي ماراحش الكلية ولا يوم لحد دلوقتي .

اوفسايد دنا شطره وحضرت سكشنين ومحضره كمان

ال بعدى؟؟ عاوز يناااااااااااااااااااااام

أوفسايد
مع ان مانمتش من امبارح
بس اليومين دول يعتبروا اجازة ولازم نستغل كل لحظة فيهم



اللي بعدي بيحب يشرب العرق سوس

اوفسايد

ال بعدى متاكد انو لو فضل قاعد عالنت كدا هيفششششل

هههههههههههههههههههههههه
جووووووووووووووول
بس خلاص واخد عليه ده الفشل ده عشرة عمر


اللي بعدي باين عليه فاضي برده .

للأسف أوفسايد..
ورايا امتحان وشكلي كدا مش هروح ..

ال بعدي نفسه يسافر اسكندرية ف عز التلج

أوفسايد


اللي بعدي هيبقى حد غير روزي !

جووول
اصلى حاسة ان اللعبة كلها بقت اوفسايد
اللى بعدى
بياخد دروس

جول السنة اللي فاتت
وأوفسايد السنة دي لحد دلوقتي لغاية ماشوف هابقى اعمل ايه .


اللي بعدي بيحب د\محمد سالم