دروس تمهيدية فى مادة الكمياء الحيوية للفرقة الثانية

اذهب الى الأسفل

دروس تمهيدية فى مادة الكمياء الحيوية للفرقة الثانية

مُساهمة من طرف Optimistic Doctor في 21/09/09, 06:46 pm




مرحبا بكم أحبابنا طلاب الفرقة الثانية


الحمد لله سنة اولى عدت على خير


وإن شاء الله تكونوا فهمتوا نظام الكلية


واتقلمتم عليها





إن شاء الله هنتكلم مع بعض شوية فى مادة البيو







بداية مش انا كاتب الموضوع الاساسي

الموضوع منقول

وكاتبه

أخوكم / محمود صابر


الفرقة الثالثة طب أزهر أسيوط



ما انا الا ناقل للموضوع

ويارب يكون مفيد لكم جميعا




فى سنة اولى البيو كانت عبارة عن خصائص المركبات الحيوية فى جسمنا وتعتبر مقدمة للى هتدرسوه فى تانية




إن شاء الله هتدرسوا


metabolism


التمثيل الغذائى


للمواد اللى درسناها فى اولى


يعنى ازاى الجسم بيستفيد من الأكل اللى احنا بناكله


من مواد سكرية carbohydrates ومواد دهنية lipids


ومواد بروتينيةproteins والأحماض النووية nucleic acids


وملحقاتها من مواد تانية هنعرفها مع بعض إن شاء الله


كمان هيبقى معانا الأحماض النووية والهرمونات .


طبعا نظام البيو بيختلف من كلية لكلية تانية


لكن هنهتم بالخطوط العريضة الثابتة فى كل الجامعات إن شاء الله


,


,


,


وهنبدأ مع بعض النهاردة مقدمة بسيطة أكيد كلكم عارفينها بس أحب أفكركم بيها قبل ما نبدأ وإن شاء الله نكمل الأيام اللى جاية علشان الوقت كل سنة وحضراتكم إلى الله أقرب


وكمان تبقى فرصة علشان تقولوا رأيكم فى طريقة الشرح












ENERGETICS


دراسة الطاقة المصاحبة للتفاعلات الحيوية





*الجزء ده بيهتم بالطاقة الحيوية وطرق إنتاجها وإستهلاكها داخل الخلايا الحية


طبعا كلنا عارفين من الإعدادى أن الطاقة هى القدرة على بذل شغل


Capacity to do work


عندنا نوعين من الطاقة داخل الجسم


1-طاقة حرة :free energy


used for the body work


الجسم بيستخدمها فى العمليات الحيوية


2-طاقة حرارية:heat energy


used to maintain body temperature


فقط للحفاظ على درجة حرارة الجسم.










التفاعلات الحيوية الحرارية فى جسمنا على نوعين:


1-تفاعلات طاردة للحرارة negative or exergonic

لما مركب أعلى طاقة يتحول إلى آخر أقل طاقة منه فإنه يصاحب بإنبعاث حرارة





2-تفاعلات ماصة للحرارة positive or endergonic
وفى الحالة دى التفاعل لازمه طاقة علشان يتم
والمثال: نغيراتجاه السهم اللى فوق.
افتكروا المعلومة دى كويس علشان هنحتاجها بعدين

وحدات الطاقة
الطاقة بنحسبها بوحدة اسمها الكالورى أو السعر الحرارى calorie
أو وحدة تانية اسمها الجول joule
C=4.128 J
واحد جرام كربوهيدرات =4كالورى
واحد جرام دهون = 9 كالورى
واحد جرام بروتين = 4 كالورى



طيب هى الطاقة موجودة إزاى ..., يعنى فى صورة إيه جوه الجسم
"الـATPهو عملة الطاقة "
حفظناها كده فى الثانوى ..., تمام
لكن فى سؤال :
إذا كانت الطاقة بتحرر من أكسدة الغذاء food stuffs
إزاى بتوصل لصورة الـ ATP
يعنى إزاى الجلوكوز يوصل بعد الأكسدة لـ ( ادينين+ ريبوز+3فوسفات) اللى هما الـ ATP؟
طبعا يا جماعة ده مش بيحصل
الـ ATP
هو الوسيط فقط اللى بيحمل الطاقة
كمان لازم نعرف إن تفاعلات الطاقة كلها متراكبة ومتممة لبعضها
إيه اللخبطة دى



ايه اللى حصل ...؟
الـ ATP بيخزن الطاقة لوقت الحاجة وبس
الطاقة المتحررة من عملية الأكسدة هتخزن فى صورة high energy phosphate bond
الرابطة دى بتتكون فى تفاعل ماص للحرارة ( الطاقة المختزنة )
بين الـ ADP+Pi
ويتحولوا إلى ATP
اللى بيتكسر ويحرر الطاقة ويكون ADP+Pi
وهلم جرا and so on
طيب ..,
إزاى الأكسدة تعطى طاقة ؟
تعالوا نتكلم عن ...,

الأكسدة
تفاعلات الأكسدة بتحصل متلازمة مع تفاعلات الإختزال
الأكسدة :يعنى إضافة أكسجين أو نزع هيدروجين
الإختزال : نزع أكسجين أو إضافة هيدروجين
كمان ممكن نقول
أن الأكسدة : هى فقد الإلكترونات
والإختزال: هو زيادة أو إضافة الإلكترونات
بيسموها التفاعلات دى redox reactions
وطبعا عندنا مادة مؤكسِدة oxidant : اللى هى بتستقبل الهيدروجين أو الإلكترون electron acceptorهنسمى الإتنين مع بعض الهيدروجين والإلكترون reducing equivalent
ومادة مختزلةreductant : اللى بتفقد الـ reducing equivalent



اللى بيحصل فى الجسم إيه ...,
أن الهيدروجين فى المواد الغذائية بيتنقل للأكسجين اللى جاى من التنفس علشان يكون الماء وفى نفس يعطى الطاقة المطلوبة
لكن فيه مشكلة وهى إن تفاعل الهيدروجين مباشرة مع الأكسجين بيعطى كمية طاقة رهيبة كافية لعمل إنفجار
طب هنعمل إيه ...,



لازم يبقى فيه نقالة أو وسيلة مواصلات
اللى هى عبارة عن ...,



redox chain


الموضوع ده مبنى على أساس اسمه redox potential
وده عبارة عن : الجهد الذي يسهل إنتقال الإلكترونات من مانح إلى مستقبل
facility with which an electron donor gives its electrons to sutabile electron acceptor.
الجهد ده بنقيسه بالفولت
ولازم الفرق بين جهدين يبقى قليل علشان يحصل التفاعل بسهولة
يعنى مثلا الأكسجين جهده عالى جدا جدا وده معناه أنه عنده قابلية عالية للإلكترونات
بعكس الهيدروجين جهده صغير جدا جدا وده معناه أنه له قابلية شحيحة أو منعدمة للإلكترونات
فصعب إنه يحصل تفاعل
لازم بقى التفاعل يمشى فة تدرج "سلسلة " وكل ناقل للإلكترونات يعطى إلكتروناته لأقرب جهد له
واكيد أقرب واحد للأكسجين هيبقى جهده أقل من جهد الأكسجين بمقدار قليل جدا



طبعا مش فاهمين حاجة
من الآخر
الإلكترونات الناتجو عن عملية الأكسدة هتدخل" سلسلة نقل الإلكترون " بتاعت الثانوى
هنا اسمها RESPIRATORY CHAIN
أو
ELECTRON TRANSFER CHAIN

اظن كده الصورة وضحت
وهتوضح اكتر لكا نعرف المرة الجاية حكاية نقل الإلكترون بالتفصيل
وكمان بعد كده لما نتكلم عن الـ GLYCOLYSIS
أشوفكم على خير
إن شاء الله تعالى
وفى إنتظار مقترحاتكم واستفساراتكم ونصحكم الكريم
ولو أى حد مش عاجبو أى حاجة ياريت يقولى علشان نغير
فالعصمة ماتت بموت صاحب العصمة

بارك فيكم
نسألكم الدعاء
اللهم تقبل
avatar
Optimistic Doctor
 
 

ذكر
عدد الرسائل : 1354
العمر : 28
الموقع : www.teb4u.tk
العمل/الترفيه : طبيب ان شاء الله
المزاج : OpT!M!St!C
كيف تعرفت علينا ؟ : Ahlamontada
تاريخ التسجيل : 25/08/2008

http://www.facebook.com/RaMi.Designs http://www.teb4u.tk

الرجوع الى أعلى الصفحة اذهب الى الأسفل

رد: دروس تمهيدية فى مادة الكمياء الحيوية للفرقة الثانية

مُساهمة من طرف smart doc في 21/09/09, 10:28 pm


جزاكم الله خيراااا دكتر بجد حجات مفيدة جدا
ولون الحتة بتاعة الredox chainدى مش واصله اوى بس وراها وراها لحد مجيبها

avatar
smart doc
 
 

انثى
عدد الرسائل : 1094
العمر : 27
كيف تعرفت علينا ؟ : Friends
تاريخ التسجيل : 11/04/2009

الرجوع الى أعلى الصفحة اذهب الى الأسفل

رد: دروس تمهيدية فى مادة الكمياء الحيوية للفرقة الثانية

مُساهمة من طرف نور الزمن في 22/09/09, 12:35 am


==================

avatar
نور الزمن
 
 

ذكر
عدد الرسائل : 711
العمر : 26
العمل/الترفيه : الصبر و الصمت
المزاج : الحمد لله
كيف تعرفت علينا ؟ : Friends
تاريخ التسجيل : 04/05/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى