لكل اللى داخلين خامسة جديد

اذهب الى الأسفل

لكل اللى داخلين خامسة جديد

مُساهمة من طرف Optimistic Doctor في 16/09/11, 02:51 am





الموضوع بالكامل نقلاً عن

Dr.
Nesreen Fawzy
5th year - Benha faculty of medicine


فجزاها الله كل خير على الوقت والمجهود

------------------------------------

ازيكم يا خامسة جديد

مبروك نتيجة رابعة ولو انها متأخرة شوية

بس اعذرونا الباطنة بقى يادوب بنشطب فيها

واهلا بيكم ف خامسة

مبدأيا خامسة عبارة عن مادتين بس

بــــاطـــــــنـــــة

أطفال

الموضوع ده مش رأى واحد بس لكن تجميعة لآراء ناس كتير ف الدفعة وانا هاحاول اجمعهم كلهم هنا

بالاضافة لكلام الدفعات اللى قبلنا لانه بردو نفس الكلام بالنسبة لينا

ــــــــــــــــــــــــــــــ

ــــــــــــ

نبدأ بالباطنة وهى المهمة ف خامسة وخامسة اصلا يعنى باطنة

أولا كده بتتكون من ايه الباطنة

CARDIOLOGY



CHEST



. NEUROLOGY



HEMATOLOGY



RENAL



RHEUMATOLOGY & IMMUNE DISEASES



HEPATOLOGY



GIT



ENDOCRINe



infection



ملحاقتها من اسبشيالات

جلدية + كلنيكال باثولوجى



ملحوظة صغيرة بس قبل ما نبدأ

نظام السنة بتاعتنا ممكن يتغير تماما لان رئيس القسم اتغير ومسكه دكتور
عاطف ومعروف عن دكتور عاطف ان امتحانات الوحدة اللى كان ماسكها ام سى كيو


لكن دكتور عبد الشافى كان بيحب الاسئلة اللونج اوى

الله اعلم هيبقى نظام امتحانكو ازاى

بس سمعنا ان نظام الروندات هيبقى ان كل وحدة هتبقى مسئولة عن شرح جزء
معين من المنهج نظرى وعملى والدفعة كلها هتلف ع كل الوحدات عشان ف اخر
السنة كله يبقى زى بعضه والكل اتشرحله نفس الموضوع بنفس الطريقة وده افضل
بكتير من وجهة نظرى


عامة بالتوفيق

..............................

.............

طيب نذاكر منين

من الاخر يا جماعه كل واحد هيبقى شايف السورس اللي ذاكر منه هو افضل
السورسات وهيبقى شايف الدكتور اللي بياخد عنده هو افضل الدكاتره لانه
ببساطه ماجربش غيره فتره كافيه تخليه يحكم عليه حكم صح ,, وغالبا حكمه على
الدكاتره التانيين بيبقى سماعي او نتيجة انه حضرله حصه او حصتين ف اول
السنه .. الموضوع راحه نفسيه اكتر منه افضلية دكتور على التاني .. فاللي
عايز اقوله ان الموضوع بسيط مش صعب زي ما انتو متصورين هو اينعم عايز منك
مجهود بس انت تقدر عليه وزياده كمان ماتوترش نفسك وشوف اللي هترتاح معاه
نفسيا وكمل وكده او كده هتقدر تلم ان شاء الله في اخر السنه وتجيب تقدير
كمان مش صعبه .. ربنا يوفق الجميع




بس بردو هنحاول نوجهكم شوية للطريق وانت تختارو



الكتب

كتب دكتور شريف الهواري :-





مجموعة من الكتب الممتازة جدا جدا جدااااااااا من حيث الأتي



( التنظيم - الفوتو ميموري بتاعتها حلوة قوي – المعلومات ال فيه صح جدا يعني نسبة الأخطاء فيه قليلة جدا



– المعلومات فيه حديثة علي قد ما يقدر ) أحسن كتاب تكتب منه في الأمتحانات بتاعت الباطنة الطويلة جدا



جدا -= كتاب باطنة يتماشي مع جميع المستويات في الدفعة الواحدة من أول ذلك الطالب الذي لن يرضي بأقل



من مقعد في الــ 5 الأوائل لحد هذا الطالب الــ مش عايز من الكلية الأ الشهادة وشكرا وهو عارف طريقة بعد كدا حتي لو بمقبول

لكن مشكلته

إنه كتاب معمول عشان يترص جنب بعضه في الإمتحان وخلاص وهو الــ كاتبه بيعتمد إن الطلبة



بتاعته بتأخد عنده درس فهو بيفهمهم الكلام الــ قدامهم د ه أصله إيه بالاضافة انه

ناقصة شوية مواضيع بسيطة جدا في شبتر الــ جي أي تي والإندو كريين ودا



بقصد طبعا لان هو بيعتمد إن المواضييع دي الطلبة بتاعته هتذاكرها من كتب الجراحة لان في القاهرة الباطنة معاها جراحة

ــــــــــــــــــــــــــــــ



دكتور محمد الشافعى



أكتر كتاب في كمية معلومات طبية صحيحة علي مستوي كتب سنة خامسة والشاطر طبعا



يكون وصل له خبر إنها بالطبيعة برضه أكبر كتب باطنة متاحة لطالب سنة خامسة ولكن علي مسئوليتي



الشخصية عمر الحجم بتاع الكتاب ما كان مشكلة أبدا ------كمان من مميزاته إنك ممكن تذاكر منه سواء



بتأخد عنده درس أو لا بس لو قدرت لإنه عايز طالب دماغ جدا يكون بيذذاكر منه

واصلا الدكتور بيبقى عامل اسكيمة ف اول كل شابتر تخليك تفتكر وتكتب حتى لو مش مذاكر

بالاضافة لكتب السامرى اللى كانت نازلة السنة السنة دى حلوة اوووووى
وبتنجز معاك بسرعة وهى نفس كتب الشرح بالظبط بس معمولة ف هيئة مقارنات
وجداول ابقو اسألو عليها وشوفوها


ــــــــــــــــــــــــــــــ



دكتور أحمد موافى



برضه مجموعة من الكتب الممتازة والكاملة جدا في الباطنة كلها ومن أهم مميزاتها إنها بتعتمد علي نظام واحد



تقريبا في عنونة الكتاب كله ودا بيساعد الطالب إنه مش ينسي عنوان كبير
جوه الإمتحان النظري وكمان بيحب قوي يكتب كل حاجة في الكتب بتاعته بنظام
كتتاتيبي بحت يعني لازم يألف ويغير أسماء الأعراض و الحاجات




دي بيحيث إنهم يتحولوا مثلا لكلمة معينة أو مثلا مجموعة من الحروف أو كدة يعني مثلا 7P + 2S

والحكاية دي يعني أنا شايف إنها لما تزيد عن حدها بتتقلب لضدها ( من وجهة نظري ) ودا أحسن كتاب تقدر



تعتمد عليه في الشباتر الــ كل الأمراض فيها ذي بعضها أو الفروق بينهم طفيفة قوي ذي مثلا الروماتولوجي



والإندوكريين بصراحة هو مميز جدا في الفرعيين دول كاتبهم حلو وفيهم معلومات حديثة جدا



بس دفعتنا السنة دى بتشكر فيها جدا لان نظام الامتحان كان مش عايز غير كده

الله اعلم نظام امتحانكو هيبقى ازاى



ـــــــــــــــــــــــ





دكتور أحمد عبدالصادق



تقريبا محدش كان بيذاكر منها غير اللى كانو بياخدو معاه درس

وبصراحة معرفش عنها كتير لانى مشوفتهاش



ــــــــــــــــــــــــــــــ





مش شرط مذاكرة الباطنة كلها من سورس واحد

ف ناس كانت بتختار اللى يرحيهم ف كل شابتر وتذاكر منه

ــــــــــــــــــــــــــــــ





بالنسبة للعملى

ع حسب الدكتور اللى هتاخد عنده

ــــــــــــــــــــــــــــــ

نيجى بقى للدروس

نصيحة بجد متخليش حد يختارلك ولا يأثر عليك بكلامه

جرب بنفسك واللى ترتاح عنده كمل معاه وكده كده كله بيشرح وكله بيسكم وكله بيراجع

احنا هننقل لكم كلام الناس اللى كانت بتاخد عند كل دكتور

كمساعدة بس ع النظام

ــــــــــــــــــــــــــــ

دكتور محمد الشافعى



عبقري الباطنة..يمشى على قدمين..

-فاهم كل نقطة فى المنهج من الألف الى الياء

-بحكم تخصصه ICU وخبرته اللى خلته ولله الحمد ياخد مناصب ويترقى قبل
سنه.. دا بيخليه يفهمك كل موضوع فى المنهج ويشرحهولك من منطلق انك هتكون
دكتور وهتمسك روح عيان فى ايدك فى يوم من الأيام.. يعنى كل سطر فى
المنهج.. بيديلك حكايته..يعنى عايز تفهم باطنة..وتبقى طول عمرك بعد سنين
فاكر كل سطر فيها تطبيقه العملى جه منين وبحكم خبرات.. يبقى الراجل دا هو
أول خطوة فى طريقك..


-كتبه.. فيها كل حاجة من الألف الى الياء..المتوقع وغعير المتوقه..



غير انه بيفهمك الباطنة بحذافيرها

فهو عنده كمان ميزة الاسكيمات

فى أول كل برانش فيه حاجة بيديها اسمها general role

تخليك حتى لو نسيت أى سؤال فى الامتحان بردو هتكتب فييه الأساسيات..

والكلام دا فى كل البرانشات

ودى رأى الناس اللى كانت عند دكتور الشافعى

اللهم لك الحمد على نعمه الشافعى ...شفعاويه للأبد:) قلبا وقالبا الراجل
ده عرف الواحد يعنى اييه باطنه له منى كل تقدير واحترام ممكن نكون فى
الآخر كنا مش مطمنين ومتلجلجين من الكم اللى خدناه وكان كبير ما حدش ينكر
وحسينا انها ساحت ودخلت على بعضها وضغط نفسى رهييييب وفى الإمتحان ما فيش
حتة ما قل و دل وعايز تكتب كتير لأنك عارف كتييييير.....بس لو رجع بيا
الزمن كنت هاروح عند أبو الشفاع بردوانا بقيت أفكر بدماغ دكتور فى المستشفى
وشايف الحاله قدامه وبيدور على تشخيصها وعلاجها .....مش ورقه وقلم و
كيسز على الورق واذكر ما تعرفه عن أقوم أكر 1234 بصراحه بصراحه أول سنه
أفكر فيها وادوق حلاوه انك تبقى فاهم طب مش بتقرا طلاسم



...................

الراجل ده اتعلمت منه كتير اوى مش ف الطب بس لا ف كل حاجة من اول
معاملة العيان لمعاملة الدكاترة وازاى اتعامل مع اى حالة تجيلى من اول ما
انقذها لحد ما اعالجها بالظبط


كان دايما بيقولنا مفيش حاجة اسمها نشطب من المنهج ولا كفاية نقول
الحتة دى وخلاص لانك لما تقف اادام العيان مش هتقوله معلش اصل المرض
بتاعك كان الدكتور شطبه


دايما عايزنا نشغل دامغنا حتى لو ناسين المنهج كله لازم نتصرف ونعرف
نرد ومعندوش حاجة اسمها حفظ وصم لوحدها كل المنهج لازم يتربط ع بعضه


ــــــــــــــــــــــــــــــ



دكتور أحمد موافى



من الناس اللى اتشكر فيها جدا بردو..

لكن خللى بالك من حاجة..

نظام د/أحمد موافى بيعتمد أكتر على الاسكيمات والحفظ..

ماشاء الله عليه فعلا عنده قدرة رهيبة على انه ممكن يخليلك الباطنةكلها عبارة عن اسكيمات..

وهنا بردو انت لازم تسال نفسك:

هل النظام دا ينفع طريقة مذاكرتك..انت من النوع اللى يحب كل حاجة تتسستم
قدامه حتى لو مش هيشغل باله يفهمها أو يناقشها..ولا محتاج تفهم باطنة
بحذافيرها؟


وعلى حسب إجابتك على السؤال دا هتقدر تقرر..

نظام الامتحان السنة مكنش عايز غير النظام ده اللى مسكم ومظبط نفسه هو اللى لحق يحل كله

لكن ف الشفوى بصراحة الناس كتير اشتكت لانه بيسأل فيه ف التفاصيل والحاجات الصغيرة مش بس الاسكيمة

وده رد الناس اللى كانت بتاخد عنده السنة دى

احسن سورس نظري دطبعا د موافي ... بس شفوي مش اوي

...........................

موافى ثم موافى ثم موافى والباقى بقى حظ ونصيب مش اكتر

………………

أحلى سورس للمذاكرة بالنسبة ليا كتب دكتور احمد موافي بس انت ابقى اكتب
اللي فيها كله في الامتحان لو لحقت يعني احلى دكتور في الكورسات موافي ثم
موافي ثم موافي ولو فضلت اقول من دلوقتي لالف سنة قدام مش هكفيه حقه بجد
ولا هتحس انك بتذاكر باطنة طول السنة الباطنة هتبقى اجمل والذ واسهل
مواد العمر


…………………..

بالنسبة للنظرى كتب دكتور موافى رقم واحد خصوصا الكتب اللى فيها اسكيمات
وهى بالتفصيل كالاتى:- شباتر زى الكارديو والشيست والاندو كرين
والروماتولوجى والبلود ماعدا البليدنج فى اسكيما فى كتب الشافعى جايبه من
الاخر ومش كبيرة........بالنسبة للشباتر اللى مافيهاش اسكيمات ..الليفر
والانفيكشن مكتوبين حلو جد, النفرو هما خمس موضوعات بالنسبة للناس اللى
بتذاكر من موافى كل حاجة يبقى من موافى لكن لو تذاكر من حتة تانية يبقى
الشافعى مكتوبين حلو جدا,الجى اى تى كتاب دكتور عبد الصادق هو موافى مش وحش
لكن مافيش اسكيمات تبقى طريقة عرض الموضوع هتفرق معاك عند عبد
الصادق..بالنسبة للنيور اعتقد كتاب الهوارى اقرب الكتب للطريقة
الموافزيمية.


ــــــــــــــــــــــــــــــ





د/محمد عبد الصادق

مجتهد جدااااااااا.. ويشرح الباطنة شرح وافى جدااااااااا

والاهم ميزة كويسة انه بردو كتبه شاملة المنهج كله بدون إهمال أى مواضيع مهملة

يعنى هتلاقى فيه الموضوعات بردو اللى بتبقى مش موجودة أو مختصرة فى كتب تانية

اللى راحوا عنده السنة دى شكروا فيه جداااا جدااااااا

والكتب بتاعته: هى هى نفسها بتاعت الهوارى زائد انه مزود عليها الدروس اللى بتوع بنها شايفين انها لازم تتكتب بشكل معين

فبكدا هو كتاب قيب الى حد كبير من دماغ الناس اللى فى القسم ودا بحكم ان الراجل دكتور فى القسم وعارف الناس بتفكر

ازاى وبتقول ايه للناس وبتحب ايه يتكتب فى الورقه وكدا .ـ

ــــــــــــــــــــــــــــــ

ــــــــــــــــــــــــــــــ



د/شريف الهوارى ....شرائط

شرح وافى جداااا.. وهيفهمك الباطنة كويس جدا

لكن المشكلة كلها فى انك انت الوحيد اللى تقدر تقرر اذا:

-تقدر تتابع لوحدك وتلتزم بخطة زمنية تسمع بيها الشرايط من غير ما الوقت يسرقك؟

-مذاكرتك لوحدك فى البيت؟ هتقدر تعوض وجودك بين زمايلك ومنافسة وناس بتذاكر وبتجاوب حواليك فى الحصة؟

-لو عندك القدرات دى..فممكن جدا انك تكتفى بالشرايط وتسمعهم فى البيت

لكن بأكد فعلا ان الشرايط طويلة ومحتاج تسمع بانتظام وأول بأول..ولو جيت فى لحظة ما سمعتش المسئولية هتكون عليك انت لوحدك

ــــــــــــــــــــــــــــــ

ــــ..



بالنسبة للنظرى

د/ الهوارى الصراحة ملوش حل بيفهمك يعنى ايه باطنة وبيخليك مستمتع جدا وانت بتذاكر وفاهم بتذاكر اية كويس

وكمان كل كتبة جميلة جداا وماشية كلها باسكيمة معينة ( ماعدا الروماتولوجى والاندوكرين دول من موافى )

وكمان السنة طويلة جدا يعنى ممكن تسمع شرايطة براحتك خالص

وابالنسبة لموافى (الصراحة فريق رهيب بين الهوارى وبينة انا حتى جيت
سمعتلة الاندوكرين لقيت كل حاجة اسكيمات ورجعت سمعتو من الهوارى تانى عشان
افهمو
)


ــــــــــــــــــــــــــــــ

ـــــــــــــــ

اما بالنسبة للعملى



د/إيهاب: (فى القاهرة)

كلمة واحدة:

" الصدارة "

ونقدر نقول ان باقى الدكاترة اللى بيدوا عملى أو نظرى حتى بيقولوا عليه دا أستاذنا

مفيش عليه اختلاف أبدا فى انه هو الصدارة

لكن حاجة بسيطة :انه بيوسّع شوية فى المنهج بحيث انك ممكن تحس انه منهج
جنب المنهج..ودا بحكم طبعا انه بيدى عملى بس فبيراعى انه يستوفيه بشكل
كامل..


اتبقى بس انك تسأل نفسك كام سؤال:

-هل عندك استعداد انك تسافر القاهرة أسبوعيا.. ويكون يوم كامل هناك؟

-هل يناسبك تدفع ضعف المبلغ اللى ممكن تدفعه عند دكمتور تانى؟متوافر فى بنها ونفس المعلومات هتوصلك؟

فكل دا حسب اختيارك انت..حاسس ان فعلا نفسك تتعرف بالراجل العظيم دا..وتستفيد منه..

لائم ظروفك واختياراتك

………………..

دكتور ايهاب ثم دكتور ايهاب ثم دكتور ايهاب ياااااااااااااه على الروعة
والجمال فعلا الدكتور دا ملوش حل ولا اى كلمة توفيه حقه وبجد ربنا يكرمه
يارب ويجازيه عنا خير وبجد اللى مراحش عملى لدكتور ايهاب فاته
كتيييييييييييييير


………………..



طبعا د/ ايهاب لانة احسن دكتور الواحد راح عندو من اول ما دخل الكلية

وكمان بيفيدك نظرى بردو مع العملى وحتى بيعلمك ازاى تنظم نفسك

عشان هوا فعلا computarized

وسيبك من ان امتحان العملى عندنا ملوش لازمة بس الدكتور ايهاب هيفرق معاك فرق رهييييييييييييب

ــــــــــــــــــــــــــــــ

ـــــــــــــــــ

د/ اشرف ذكى



مادة علمية: قمة الروعة .. بلا مبالغة.. عارف يعنى ايه عملى باطنة كويس أوى

-عنده نظام فى احضار الحالات العملى يخليك مع كل برانش جديد بتشوف حالاته..بيجيبلك حالات من البرانشات اللى قبله اللى خلصتها

وبكدا تفضل دوريا المناهج فى دماغك طول السنة

-بيغطى النظرى الخاص بكل برانش من الكبار وخصوصا النيورو قبل ما يبدأ
شرحه..ودا بيوفر قدرة استيعابية رهيبة لما تاخد تطبيق العملى بعد كدا..


- قدرة على الشرح: ملوش حل.. كاريزما..وابتكار فى طرق الشرح والاستيعاب

وطبعا مش محتاجين نحكى عن براعته فى تأدية أصوات الكارديو والشيست بطريقة محدش بجد بينافسه فيها..

-شخصية: كاريزما روعة..وشخصية تخليك تقعد تسمعه طول الحصة

بس المشكلة اللى قابلتنا السنة دى ولاخر السنة مكناش قادرين نتأقلم عليها

هو المواعيد وتضيع الوقت كتير دايما بيتأخر والحصص بطول

وممكن يهتم بحاجات معينه ويشرحها باستفاضة اوى ويجى ع حاجات تانية تتقال بسرعة جدا والمشكلة انها بتتسال ف الامتحان

بس الحق بتقال شرحه للنظرى كان بيفرق معانا كتير وف مواضيع من النظرى كنا بنستسهل ونذاكرها من كتبه رائعة بجد

ــــــــــــــــــــــــــــــ

ــــــ

د/تامر

كان ف عدد قليل بياخد عنده السنة دى

بس شكرو فيه جدا منظم وبيشرح بردو النظرى

كتبه بتنجز وفيها كل حاجة وبيخلص بدرى ويراجع كذا مرة وكل اللى عنده كانو مرتاحين جدا وشايفين انه مناسب

……………..

العملي انا كنت مع القلة القليلة عند د- تامر بس حسيت بقيمته بجد مرتب
ومن اوي وبينجر وكتبه حلوة محتجتش معاها حاجة وبشوف حالات كتييييييييير
وكان عاملنا سبورت وكل شوية يشوفنا عاملين اية وبيتكلم معانا وقريب دايما
نسأل في اى حاجة وكل حاجة وخلصنا بدري وراجعنا 4 او 5 حصص بعد ما كله خلص
كل مرة برانش مختلف وكل دا خلصنا في نص شهر 6 سيبنا ان الامتحان تهريج
بس الراجل دا نفعنا بجد ربنا يجازيه كل خير ياااااااااارب


ــــــــــــــــــــــــــــــ

ـــــــــ

د/محمد على

اول سنة ينزل كان السنة دى

الناس اللى راحت عنده شكرت فيه بردو وقالت انه من حيث العملى كويس جدا

بس شرح النظرى بتاع الحالات مش اد كده

فاللى شايف انه محتاج يركز ع العملى بس ويتقنه والنظرى يبقى مع النظى يبقى يروح عنده

بيخلص بردو بدرى وبيراجع وبيديك المطلوب منك ف العملى كويس اوى

كان بينزل ورق للعملى الناس شكرت فيه وقالت بينجز

ــــــــــــــــــــــــــــــ

ـــــــــــــــــ

ملحوظة بس صغيرة

الناس اللى بتقول بلاش درس عملى وانه ملوش لازمة ده لان اللجنة بتاعتهم
قلبت امتحان نظرى مش امتحان عملى وده محصلش مع كل الناس لان ده ف الاول
والاخر نصيب


انا عن نفسى امتحنت كله عملى ف عملى وتكنيك مفيش غير سؤالين بس كانو نظرى

وكمان اللى شايف ان العملى سهل ومش مستاهل ده عشان هو عارفه لكن لو مش شاف الحاجات دى كذا مرة عمره ما كان هيقول كده

ع الأقل اللى مش هياخد درس عملى يتابع كويس ف المستشفى والروندات ويشوف
فيديوهات كتير عشان يدرب نفسه وميتلخبطش ادام الدكتور ف الامتحان


ــــــــــــــــــــــــــــــ

ـــــ

الأطفال هنبقى نكلمكم عنها ف وقت تانى ان شاء الله

لما نخلص منها بس

ربنا يوفقكم ويهديكم للصح وتبقى سنة سعيدة عليكم





منقول للأفادة فقط والله على ما أقول شهيد
avatar
Optimistic Doctor
 
 

ذكر
عدد الرسائل : 1354
العمر : 28
الموقع : www.teb4u.tk
العمل/الترفيه : طبيب ان شاء الله
المزاج : OpT!M!St!C
كيف تعرفت علينا ؟ : Ahlamontada
تاريخ التسجيل : 25/08/2008

https://www.facebook.com/RaMi.Designs http://www.teb4u.tk

الرجوع الى أعلى الصفحة اذهب الى الأسفل

رد: لكل اللى داخلين خامسة جديد

مُساهمة من طرف psycho9 في 16/07/12, 04:09 pm

فين التكملة يا دكاترة
وجزاكم الله خيرا
avatar
psycho9
 
 

ذكر
عدد الرسائل : 20
العمر : 27
تاريخ التسجيل : 22/10/2010

الرجوع الى أعلى الصفحة اذهب الى الأسفل

رد: لكل اللى داخلين خامسة جديد

مُساهمة من طرف fgfg في 14/08/12, 12:51 pm

شكرا على مجهودك الرائع انا استفدت كتير وفى نفس الوقت محتار جدااااا wow ... كلامك عن دكتور ايهاب شجعنى جدا وفى نفس الوقت الدكتور اشرف زكى ناس بتقولى انه عبقرى انا محتااااااااااااااار
وبالنسبه للشرايط ممكن تقولى كنتى بتسمعى مين او رحلتك مع سنه خامسه
avatar
fgfg
 
 

ذكر
عدد الرسائل : 27
العمر : 27
كيف تعرفت علينا ؟ : Facebook
تاريخ التسجيل : 30/10/2010

https://www.facebook.com/fgfgahmed

الرجوع الى أعلى الصفحة اذهب الى الأسفل

رد: لكل اللى داخلين خامسة جديد

مُساهمة من طرف Dr:medo في 11/09/12, 07:45 pm

gzakm
avatar
Dr:medo
 
 

ذكر
عدد الرسائل : 6
العمر : 27
كيف تعرفت علينا ؟ : Facebook
تاريخ التسجيل : 26/07/2012

الرجوع الى أعلى الصفحة اذهب الى الأسفل

رد: لكل اللى داخلين خامسة جديد

مُساهمة من طرف DR.HEBA في 18/09/12, 07:57 am

جزاكِ الله خيرا
فى انتظار شرح الاطفال ان شاء الله
avatar
DR.HEBA
 
 

انثى
عدد الرسائل : 10
تاريخ التسجيل : 20/05/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى