•·.·`°·.·سنة تالتة ... وكل ما تود معرفته عنها ·.·°`·.·•

اذهب الى الأسفل

•·.·`°·.·سنة تالتة ... وكل ما تود معرفته عنها ·.·°`·.·•

مُساهمة من طرف Optimistic Doctor في 06/08/11, 02:50 pm

السلام عليكم ورحمة الله وبركاته

زائر

حياكم الله طلبة الجيل الجديد


سنة تالتة

وكل الكلام اللى سمعتوه من أول ما دخلتوا الجامعة

عن سنة تالتة والرعب بتاعها والكلام ده

نظراً لكثرة الكلام عن سنة تالتة بالذات

هتلاقوا هنا بإذن الله تجميعة لأفضل الموضوعات اللى اتكلم فيها زمايلنا
الكبار عن سنة تالتة وشرحوا فيها نبذة عن المواد وإزاى تتعاملوا معاها وكده
..

وبإذن الله يكون فيه استفادة قصوى من الموضوعات دى ..

وسنة تالتة يا جماعة زيها زى أى سنة عدت فى حياتك

هى محتاجة بس شوية تركيز كتير وعزيمة

ومن أول يوم نزاكر صح من غير تأجيل ..

وهى سنة معظم الناس بتعلى فيها

وقايمة الأوائل بتتعدل ..

عايزين بقى يا شباب كلكوا تكونوا من الأوائل بإذن الله

أدخل السنة بنية إنك هتكون الأول ع دفعتك

وإنك هتكونى الأولى ع دفعتك

و اشتغلوا ع الأساس ده طول السنة

وبإذن الله تأكدوا إنك مش هتقلوا عن العشرة الأوائل

بس أهم حاجة ايه ؟؟

بعد توفيق ربنا سبحانه وتعالى

العزيمة وإنك تذاكر مذاكرة الأوائل من أول السنة

ومش تكسل لأنها سنة مينفعش معاها ولا الكسل ولا التأجيل

زى ما زمايلنا وضحوا فى موضوعاتهم

فى المشاركات التالية بإذن الله


عدل سابقا من قبل Life Hater في 07/08/11, 09:28 am عدل 2 مرات
avatar
Optimistic Doctor
 
 

ذكر
عدد الرسائل : 1354
العمر : 28
الموقع : www.teb4u.tk
العمل/الترفيه : طبيب ان شاء الله
المزاج : OpT!M!St!C
كيف تعرفت علينا ؟ : Ahlamontada
تاريخ التسجيل : 25/08/2008

https://www.facebook.com/RaMi.Designs http://www.teb4u.tk

الرجوع الى أعلى الصفحة اذهب الى الأسفل

رد: •·.·`°·.·سنة تالتة ... وكل ما تود معرفته عنها ·.·°`·.·•

مُساهمة من طرف Optimistic Doctor في 06/08/11, 06:44 pm

السلام عليكم ورحمة الله وبركاته

الحمد لله وبه نستعين

&&


أولا أحب ان اتقدم بالتهنئة لكل الزملاء الذين اجتازوا السنة الثانية من الطب

وبكدة وصلنا لمرحلة 1/3 دكتور


وطبعا بقالنا سنتين فى الكلية يعنى عرفنا زمايلنا واتعودنا عليهم واتعودنا على المحاضرات والسكاشن والامتحانات

واللى عرف يقيس الضغط والحرارة وفتح عيادة تحت السلم واى حاجة بنص

وبالطبع هنبدأ فى مرحلة جديدة ياااااااااه سنة تالتة يعنى ايه ؟

يعنى فارما ( وهكتب روشتات

يعنى باثولوجى ( وماحدش يحوشنى

يعنى ميكرو وبار وسمعنى سلام سنة تالتة علينا حق

وبانتهاء سنة تالتة كدة ممكن نضيف لقياس الضغط والحرارة كتابة الدواء وقراءة تقارير الباثولوجى وكله يزيد فى سعر الفزيتا

دى كانت بس دعابة بسيطة علشان نبدأ كلامنا عن سنة تالتة

ياترى ايه المواد اللى عندنا ؟؟

فارماكولوجى
باثولوجى
ميكروبيولوجى
باراسيتولوجى

أأخذ كورسات ولا لأ ؟؟

سنة تالتة سنة جميلة جدا عايزة مذاكرة كتير ووقت اكبر يعنى اللى هيميزك عن غيرك كترة المذاكرة والفهم
بمعنى ان رأى الشخصى الكورسات ملهاش لازمة أولا الكلية بتشرح والحمد لله
حتى لو فى جزئية مش مفهومة لو طلبتها من حد أكبر منك عمر ماحد هيتاخر عن
السؤال كما أن الشرايط اللى على النت دى غاية فى الروعة
وبكدة إن شاء الله نبقى استفدنا بعامل الفهم وعامل الوقت

طيب بس دأنا أصحابى اللى أكبر منى بيقولولى انها سنة موت وانا خايف انا مش هجيب مجموع طب اعمل ايه ؟؟

اقولك تعمل ايه .. ماتسمعش كلام أى حد يحاول يهبطك أو يقلل عزمتك .
كن على ثقة دايما فى الله واحسن الظن بيه
ماتبصش كام واحد جاب دجات وحشة . بص كام واحد متميز كام واحد قدر يعدى السنة بسلاسة وسهولة
أوعى تبص للوحش علشان تبقى زيه بصله بس علشان تحمد ربنا على النعمة اللى أنت فيها
شوف كدة واسمع ** إن الله لا يضيع أجر من أحسن عملا **
ولعلمك أى سنة هتبقى صعبة وتقيلة لو مذاكرتش لو ماجتهدتش لو ماعملتش اللى عليك
يعنى سنة تالتة دى سنة عادية زيها زى غيرها بل بالعكس هتحبها اكتر من غيرها
من السنتين اللى فاتوا هتحس أنك بدات تفهم وتدرك الامور بدأ يظهر عندك
المعنى المادى للكلية


طب وانا هذاكر منين بقى ؟؟

ياسيدى ذاكر من أى سورس متاح على حسب كليتك سواء مذكرات أو كتاب أختار
المصدر اللى قريب من ذهنك وبيوصلك المعلومة كويس ودايما لو ذاكرت من مصدر
خارجى زى المذكرات او كدة حاول بقدر الامكان تقارنها بكتاب المدرسة

طب دبيقولوا انها سنة عايزة الحفيظة وانا مش بعرف احفظ؟؟

مين قالك كدة .. الحفظ إن لم يأت بعد الفهم يبقى تأكد إنك مش هتستفيد بيه
أو تبنى حفظك على قراءة ودح كدة وخلاص لأنك مش قالة بتسجل وخلاص
أنت هتبقى دكتور المفروض فاهم بيتعامل مع أيه وهيتعامل ازاى
يبقى الاساس أنك تفهم كل حاجة الاول وبعدين يجى الحفظ إن شاء الله


طيب نتكلم شوية عن طريقة التعامل مع المواد

مبدأيا كدة لازم نمشى على أسس مش علشان السنة دى بس لأ علشان أى سنة كمان
الاستعانة بالله والتوكل عليه
التركيز اثناء المذاكرة
الاضاء الجيدة
استخدام الاقلام الماركر لتحديدالمهم
تقسيم الموضوع لعناصر وفقرات وعناوين وارتب العناوين دى فى دماغى
عدم إضاعة الوقت بقدر المستطاع
ذاكر كويس طول الاسبوع واعط لنفسك قسط من الراحة حتى لا تمل
شغل كل حواسك وأنت بتذاكر علشان أما تستعيد المعلومة تبقى سهلة هتقرأ بعينك
وتسمع وتكتب فى ورقة على الجنب وياسلام كمان لو قمت تتحرك شوية وأنت بتقرأ

ودايما حاول تغير وضع الجلوس اللى أنت عليه كل نص ساعة
طبعا أساسى جدا جدا الحرص على حضور المحاضرات والسكاشن أى كلمة هتتقال هتنفعك مافيش حاجة مالهاش لزوم

هكتفى بهذا القدر المرة دى وبإذن الله نبدأ كلمنا المرة الجاية عن أول مادة ألا وهى ... الفارما

اتمنى اكون قدرت افيدكم ولو بجزء بسيط

بالتوفيق

avatar
Optimistic Doctor
 
 

ذكر
عدد الرسائل : 1354
العمر : 28
الموقع : www.teb4u.tk
العمل/الترفيه : طبيب ان شاء الله
المزاج : OpT!M!St!C
كيف تعرفت علينا ؟ : Ahlamontada
تاريخ التسجيل : 25/08/2008

https://www.facebook.com/RaMi.Designs http://www.teb4u.tk

الرجوع الى أعلى الصفحة اذهب الى الأسفل

رد: •·.·`°·.·سنة تالتة ... وكل ما تود معرفته عنها ·.·°`·.·•

مُساهمة من طرف DR-semo في 09/09/11, 06:36 pm

بجد ميرسي اوووى
انا كاسلام انبسطت ههههههه
بجد نايس جدا
ومستني المرة الجاية اللى هتتكلم فيها وحلوة الالشة بتاعت اى حاجه بنص دي هههههههههههه


وانا نقلت الموضوع ع الفيس طبعا لاني عارف انك مش هتمانع باذن الله
avatar
DR-semo
 
 

ذكر
عدد الرسائل : 5
العمر : 26
كيف تعرفت علينا ؟ : Facebook
تاريخ التسجيل : 04/09/2011

الرجوع الى أعلى الصفحة اذهب الى الأسفل

رد: •·.·`°·.·سنة تالتة ... وكل ما تود معرفته عنها ·.·°`·.·•

مُساهمة من طرف DR-semo في 09/09/11, 06:39 pm

بس انتا كاتب كتاب المدرسة
ههههههههههههههههههههههههههههههههههههههههههههه
avatar
DR-semo
 
 

ذكر
عدد الرسائل : 5
العمر : 26
كيف تعرفت علينا ؟ : Facebook
تاريخ التسجيل : 04/09/2011

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى